«Egemen Qazaqstan» gazetiniń jas jýrnalısterge arnalǵan syılyǵy úshin konkýrsqa qatysý EREJESI
1. Jalpy erejeler
1.1. Baıqaýdy uıymdastyrýshy – «Egemen Qazaqstan» RG» AQ. Ornalasqan mekenjaıy: Astana qalasy, 010000, «Egemen Qazaqstan» gazeti kóshesi 5/13.
1.2. «Egemen Qazaqstan» gazetiniń jas jýrnalısterge arnalǵan syılyǵy úshin konkýrs jylyna bir ret, jýrnalısterdiń kásibı merekesi qarsańynda aralyǵynda jarııalanady.
1.3. Konkýrsqa 18 ben 35 jas aralyǵyndaǵy jýrnalıster qatysa alady.
1.4. Úmitkerlerdiń materıaldary konkýrs jarııalanǵan kúnnen bastap, 1 aı merzim ishinde qabyldanady.
1.5. Konkýrstyń taqyryby jyl saıyn ózgerip turady jáne ony «Egemen Qazaqstan» RG» AQ redaksııa alqasy bekitedi.
1.6. Konkýrsqa kelip túsken materıaldardy «Egemen Qazaqstan» gazetiniń redaksııa alqasynan quralǵan komıssııa (budan ári – konkýrstyq komıssııa) baǵalaıdy.
2. Konkýrsqa qatysý sharty
2.1. Konkýrsqa «Egemen Qazaqstan» gazetinde jáne egemen.kz saıtynda jarııalanǵan habarlandyrýda usynylǵan taqyrypqa sáıkes keletin taqyryp aıasynda jazylǵan jáne «Egemenniń júldesi úshin konkýrsqa» degen aıdar qoıylǵan materıaldar qabyldanady.
«Egemen Qazaqstan» gazetiniń jas jýrnalısterge arnalǵan syılyǵy 2017 jyly «Týǵan jer: kóne tarıhtyń kómbesi» degen taqyryp aıasyndaǵy 3 nomınasııa boıynsha – «Úzdik tanymdyq materıal», «Úzdik jýrnalıstik zertteý» jáne «Úzdik fotoreportaj» úshin jarııalanady. Úmitkerlerdiń maqalalary týǵan jer, kıeli oryndar men kórikti mekender taqyrybyn qamtyp, tarıhı-tanymdyq turǵydan jazylýy nemese ózekti máselelerdi qozǵaýy tıis.
2.2. Konkýrsqa arnalǵan materıaldar Times New Roman 14 shrıftimen 1,5 ıntervalynda jazylyp, kólemi 3,5 betten aspaýy tıis. Sapaly sýretterimen qosa jiberýge bolady.
2.3. Konkýrsqa jiberilgen materıal men sýretter buryn basqa basylymdarda jarııalanbaǵan bolýy tıis. Bul oraıdaǵy jaýapkershilik avtorǵa júkteledi.
2.4. Konkýrsqa arnalǵan materıaldar info@egemen.kz elektrondy baılanys jelisine «Egemenniń júldesi úshin konkýrsqa» degen aıdarmen jiberilýi qajet.
3. Konkýrs qorytyndysy
3.1. Konkýrstyq komıssııa konkýrs qorytyndysyn materıal qabyldaý aıaqtalǵan kúnnen bastap, 1 (bir) apta ishinde shyǵarýǵa mindetti.
3.2. Konkýrstyq komıssııanyń sheshimine sáıkes, «Úzdik tanymdyq materıal», «Úzdik jýrnalıstik zertteý» jáne «Úzdik fotoreportaj» dep tanylǵan materıaldardyń avtorlary marapattaýǵa usynylady. Olardyń árqaısysyna arnaıy kádesyı jáne 200 000 (eki júz myń) teńge aqshalaı syılyq tapsyrylady;
Qosymsha yntalandyrý syılyǵy Konkýrstyq komıssııanyń usynysymen taǵaıyndalýy múmkin.
3.3. Konkýrs jeńimpazdary jýrnalısterdiń kásibı merekesi qarsańynda marapattalady. Marapattaý rásimi ótetin oryn qosymsha jarııalanady.