Keshe Ulttyq qaýipsizdik komıteti Ishki ister mınıstrligimen birlesip, Qyzylorda oblysy aýmaǵynda munaı jáne munaı ónimderin zańsyz satyp alýǵa, tasymaldaýǵa, saqtaýǵa jáne satýǵa qatysy bar birneshe qylmystyq top áreketiniń jolyn kesý boıynsha aýqymdy arnaıy operasııa bastady, dep habarlaıdy UQK baspasóz qyzmeti.
Qyzylorda, Taraz jáne Shymkent qalalarynda vedomstvoaralyq jedel-tergeý toptarynyń músheleri bir mezgilde joǵaryda atalǵan zańsyz áreketterge qatysy bar 8 adamdy ustady. Olardyń turǵylyqty jerleri boıynsha jáne olarǵa úlestes kásiporyndarda, onyń ishinde «KAIS-servıs» JShS-ynda (Qyzylorda qalasy, asfalt óndirý zaýyty jáne munaı quıý termınaly), «Qaramaı Oıl» JShS (Taraz qalasy, munaı quıý termınaly) 21 tintý is-sharasy júrgizildi. Qylmystyq munaı bıznesin qoldaýshylar qatarynan QR BP IQB ókilderimen birge Qyzylorda kólik prokýrory N. Serikbaev ustaldy. Jedel-tergeý is-sharalary jalǵasýda.