Zashıta stansııasynyń jelilik ishki ister bólimine bir áıel adam aryzdanǵan bolatyn. Ol «Almaty-Zashıta» baǵytymen júretin poezd jolseriginiń ózin erkinen tys kúshtep, zorlaǵany týraly habarlaǵan edi. Aldyn ala tergeý jumystary júrgizilip, sot dárigerlik saraptamasy taǵaıyndaldy. Tekseris barysynda aryzdanýshynyń kórsetken málimetteri dáleldenbedi. О́ıtkeni, áıeldiń denesinen kúsh qoldanýdyń qandaı da bolmasyn izderi tabylmady. Soǵan oraı artynsha, nege ekeni belgisiz, aryzdanýshynyń ózi de aldynda zorlady degen adamǵa endi eshqandaı kiná artpaıtyndyǵyn aıtyp, tergeýdi doǵarýdy suraǵan qosymsha aryz túsirgen. Sóıtip, jolaýshyny zorlady degen aıyppen kúdikke alynǵan jolserikke qatysty qylmystyq isti qozǵaýdan polısııa bas tartty, dep habarlady IIM Kóliktegi ishki ister departamentiniń baspasóz qyzmeti.