Indonezııanyń Acheh provınsııasynda jer silkinip, 620 adam zardap shekti, dep habarlaıdy RIA Novostı.
Tótenshe jaǵdaılar boıynsha Ulttyq basqarma basshysy Vıllem Rampangıleı 97 adam qaıtys bolyp, 536 adamnyń jaraqat alǵanyn habarlady.
Antara aqparat agenttiginiń habarlaýynsha, qajetti resýrstarǵa qol jetkizý úshin tótenshe jaǵdaı jarııalanǵan. Dúmpýler áli qaıtalanatyndyqtan, halyq óz úılerine barmaı otyr. Sebebi alǵashqy jer silkinisinen keıin 100-den astam dúmpý sezilgen.
Indonezııa prezıdenti Djoko Vıdodo keshe barlyq mınıstrlikter men vedomstvoldarǵa tıisti tapsyrmalar berdi. Búgin vıse-prezıdent Iýsýf Kalla ózi zardap shekken óńirlerdi aralap, qutqarý sharalaryn baqylaıtyn bolady dep josparlanyp otyr.