Úkimet QR Prezıdentiniń qaraýyna Ulttyq qordyń qarajatyn paıdalanýdy qalyptastyrý boıynsha jańa tujyrymdama engizdi. Bul týraly búgin QR Premer-Mınıstri Baqytjan Saǵyntaev «Atameken» UKP Prezıdıýmynyń otyrysynda habarlady.
«Álemdegi jaǵdaı kúrdeli ekeni barshaǵa belgili. Muny kórip otyrmyz. Barlyǵy aqsha tek Ulttyq qordan keledi, basqa tıyn joq dedi. Eger biz tek osy baǵytta áreket etsek, onda Ulttyq qorda túk te qalmaıdy. Bizdiń Ulttyq qor jaıly tilegimiz munaıdyń barreline 100-115 dollar bolǵan kezdegideı qalyp qoıǵan. Búgingi munaıdyń baǵasy múldem basqasha. Biz Ulttyq qordyń qarajatyn munaıdyń baǵasy barreline 100 dollar jaǵdaıynda ómir súrip jatqandaı paıdalanǵymyz keledi. Sondyqtan biz Memleket basshysyna Ulttyq qordyń qarajatyn paıdalanýdy qalyptastyrýdyń jańa tujyrymdamasyn engizdik. Prezıdent tujyrymdamany maquldady. Tıisti sheshimder bar. Kelesi jyldan bastap Ulttyq qordyń qarajatyn basqasha paıdalanatyn bolamyz», - dedi Saǵyntaev.