Mindetti áleýmettik medısınalyq saqtandyrý

máseleleri týraly zań jobasy qaraldy Parlament Senaty Áleýmettik mádenı-damý jáne ǵylym komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine mindetti áleýmettik medısınalyq saqtandyrý máseleleri boıynsha ózgerister men tolyqtyrýlar engizý týraly» zań jobasy qaraldy, dep habarlady Senattyń baspasóz qyzmeti. Zań jobasymen mindetti áleýmettik medısınalyq saqtandyrý júıesi jumy­sy­nyń bastalýyn 2017 jyldyń 1 shil­desi­nen 2018 jyldyń 1 qańtaryna aýys­tyrý maqsatynda «Mindetti áleýmettik medı­sınalyq saqtandyrý týraly» jáne «Qazaqstan Respýblıkasynyń keıbir zańnamalyq aktilerine mindetti áleýmettik medısınalyq saqtandyrý máseleleri boıynsha ózgerister men tolyqtyrýlar engizý týraly» zańdarǵa túzetýler engiziledi. Osyǵan baılanysty Áleýmettik medı­sınalyq saqtandyrý qoryna mem­leket­tiń jarnalaryn aýdarýdy 2017 jyl­­dyń 1 shildesinen 2018 jyldyń 1 qań­tary­na aýystyrý usynylady. Jumys berý­­shilerdiń aýdarymdary men dara kásip­ker­lerdiń, jeke notarıýstardyń, jeke sot oryndaýshylarynyń, advokat­tar­dyń, kásibı medıatorlardyń, azamattyq-quqyq­tyq sıpattaǵy sharttar boıynsha kiris alatyn jeke tulǵalardyń jarnalaryn Qorǵa aýdarý 2017 jyldyń 1 qańtarynan 2017 jyldyń 1 shildesine aýystyrylady. Zań jobasymen, sondaı-aq Bıýdjet kodeksine, «Halyq densaýlyǵy jáne densaýlyq saqtaý júıesi týraly» Kodeks­ke jáne «Bilim týraly» Zańǵa ınter­­nattyq uıymdardy qospaǵanda, orta bilim berý uıymdarynyń bilim alýshylary men tárbıelenýshilerine medısınalyq qyzmet kórsetýlerdi bilim berý júıesinen densaýlyq saqtaý júıesine berý bóliginde túzetý engizý kózdeledi. Otyrysta Densaýlyq saqtaý jáne áleýmettik damý mınıstriniń orynbasary A.Soıdyń baıandamasynda joba týraly jan-jaqty aıtyldy. Áleýmettik-mádenı damý jáne ǵylym komıtetiniń múshesi Á.Bektaev qosymsha baıandama jasady. Otyrys bary­synda zań jobasy boıynsha depýtattar B.Áıtimova, S.Bekturǵanov, Á.Bektaev, J.Erǵalıevtiń qoıǵan saýaldaryna mı­nıstr­diń orynbasary A.Soı jaýap berdi. Komıtet tóraǵasy B.Áıtimova elimiz­diń turǵyndary úshin mindetti áleýmettik saqtan­dyrýdyń mańyzyn atap óte kelip, ony Parlament Senatynyń otyrysynda birinshi oqylymda talqylaýǵa shyǵarýdy usyndy. Zań jobasy palatanyń qaraýyna jiberildi.