Eýropalyq komıssııa resmı túrde qazaqstandyq avıakompanııalardyń Eýropaǵa ushýyna shekteýlerdi alyp tastaý týraly sheshim qabyldady, dep habarlady uıymnyń baspasóz qyzmeti
EO Ushý qaýipsizdigi tizimin («qara tizim») Eýropalyq odaq elderi áýe keńistiginde ushý qaýipsizdigin qamtamasyz etý maqsatynda Eýropalyq komıssııa qalyptastyrady. Búgingi kúnge deıin tizimde «Eır Astana» avıakompanııasynan basqa barlyq qazaqstandyq avıakompanııalar boldy.
Osy sheshim Brıýsselde ústimizdegi jylǵy 23 qarashada ótken Eýropalyq komıssııanyń Ushý qaýipsizdigi komıteti otyrysynyń qorytyndysy boıynsha qabyldandy. Otyrysta Qazaqstan Respýblıkasy Investısııalar jáne damý mınıstrliginiń delegasııasy elimizdegi ushý qaýipsizdiginiń jaı-kúıi, Eýropalyq komıssııanyń qadaǵalaýlaryn joıý boıynsha iske asyrylyp jatqan túzetý is-qımyldar josparlary jáne mınıstrliktiń otandyq Azamattyq avıasııa salasyn damytý jospary týraly aqparattar usyndy.