Bakýde ótkizilgen temir jol ákimshilikteriniń basshylary Q.Alpysbaev, D.Gýrbanov, M.Bahtadzeniń jumys barysyndaǵy kezdesýinde Qazaqstan, Ázerbaıjan, Grýzııa arasynda júk tasymaly kólemin ósirý týraly másele talqylandy, dep habarlady «Qazaqstan temir joly» UK» AQ-tyń baspasóz qyzmeti.
Kezdesýge qatysýshylar úsh el arasyndaǵy Transkaspıı halyqaralyq dálizimen 2017 jyly júk aǵynyn ulǵaıtý úshin jumsaq tarıf saıasatyn ustanýdyń qajettigin alǵa tartty. 2020 jylǵa qaraı atalǵan baǵytta konteınerlik poıyz myń danaǵa deıin jetkizilmek.
«Qazaqstan temir joly» UK» AQ basshysy Qanat Alpysbaev jumys sapary aıasynda «Grýzııa temir joly» AQ bas dırektory Mamýko Bahtadzemen, «Ázerbaıjan temir joldary» JAQ tóraǵasy Djavıd Gýrbanovpen ekijaqty kelissózder ótkizdi. Taraptar kólik jáne logıstıka salalaryndaǵy ózara seriktestikti odan ári damytý, onyń ishinde temir jol kóligi mashınasyn jasaý jaıyn talqylady.
D.Gýrbanovpen kezdesýde aǵymdaǵy jyly Ázerbaıjanǵa «Lokomotıv qurastyrý zaýyty» AQ-tyń ónimi «Evolution» serııasyndaǵy 10 júk teplovozy jiberilgendigi aıtyldy. Kelesi jyldan bastap Ázerbaıjan temirjolyna «Elektrovoz qurastyrý zaýyty» JShS óndirisinen shyqqan elektrovozdar jiberile bastaıdy. 2019 jylǵa deıin Ázerbaıjanǵa 40 elektrovoz jetkizý josparlanyp otyr.
Kezdesý sońynda «Qazaqstan temir joly» UK» AQ pen «Ázerbaıjan temir joldary» JAQ arasynda Temir jol kóligi mashınalaryn jasaý salasyndaǵy seriktestik týraly memorandýmǵa qol qoıyldy. Temir jol kóligi mashınasyn jasaý salasyndaǵy seriktestik týraly memorandým «Grýzııa temir joly» AQ-pen de jasaldy.
«Qazaqstan temir joly» UK» AQ basshysy Qanat Alpysbaev Dýshanbege saparynda «Rohı ohanı Tochıkıston» MÝK bastyǵy Komıl Mırzoalımen kelissóz júrgizdi. Kezdesýdiń kún tártibine sáıkes temir jol kóligi mashınalaryn jasaý salasyndaǵy seriktestikti damytý men Tájikstan aýmaǵynda júkterdi shoǵyrlandyrý jáne tasymaldaý kólemin arttyrý máselesi qaraldy. Sondaı-aq, 2017-2020 jyldary qazaqstandyq temir jol kóligi mashınalaryn tájik temir jolyna jetkizý týraly kelisim jasaldy.