Ortalyq kommýnıkasııalar qyzmetinde Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy aıasynda 610 myń ga sýarmaly jerdi aınalymǵa engizý men jer qatynastaryn jetildirýge arnalǵan baspasóz máslıhaty ótti.
Oǵan Aýyl sharýashylyǵy mınıstrligi Sý resýrstary komıtetiniń tóraǵasy Islam Ábishev pen «Qazsýshar» RMK dırektorynyń orynbasary Erık Iаkýbaev qatysty.
Aldaǵy 5 jylda 610 myń ga aýmaqtaǵy turaqty sýarylatyn jerdiń ırrıgasııalyq júıesin qalpyna keltirý josparlanýda. Atap aıtqanda, Almaty oblysynda – 127 myń ga, OQO – 99 myń ga, ShQO-da – 92 myń ga, Jambyl oblysynda – 86 myń ga, BQO-da – 40 myń ga, Pavlodar oblysynda – 30 myń ga, Aqtóbe oblysynda – 29 myń ga, Qyzylorda oblysynda – 29 myń ga, Qaraǵandy oblysynda – 28 myń ga, SQO-da – 28 myń ga jáne Atyraý oblysynd 22 myń ga, dep habarlady Islam Ábishev.
Sonymen birge, onyń aıtýynsha, memlekettik baǵdarlama aıasynda 368 myń ga aýmaqtaǵy kóldetip sýarý jerin qalpyna keltirý josparlanyp otyr. Budan basqa, eskirgen kollektorlyq-drenajdyq jeliler qalpyna keltirilmekshi. Onyń jalpy uzyndyǵy 13,2 myń shaqyrymdy quraıtyn bolady.
Dastan KENJALIN,
«Egemen Qazaqstan»