Whoscored.com statıstıkalyq portaly «Iаng Boız» ben «Astana» komandalarynyń arasyndaǵy kezdesýden keıin qos klýb oıynshylarynyń deńgeıine baǵasyn berdi.
Elordalyqtardyń arasynda eń joǵarǵy ball Iýrıı Logvınenkoǵa (7.0 ball) berildi. Aıta keterligi, ol 55-mınýtta jaraqatyna baılanysty alańnan ketýge májbúr boldy. Mine, dál osydan keıin «Astananyń» qorǵanysy álsirep, 16 mınýt ishinde úsh birdeı gol jiberip aldy.
Al Igor Shıtovke 6.9 ball, jartylaı qorǵaýshy Serikjan Mujyqovqa 6.6 ball berildi. Atalmysh portaldyń nusqasy boıynsha kezdesýde gol soǵyp ári nátıjeli pas bergen «Iаng Boız» havbegi Torsten Shık (8.6 ball) matchtyń úzdik oıynshysy atandy.