Búgin Astanadaǵy Nazarbaev ortalyǵynda ádebıet salasyndaǵy «Altyn tobylǵy-2016» syılyǵyn alý úshin ótkizilgen konkýrstyń jeńimpazdaryn marapattaý rásimi bastaldy.
Rásimge aqyn, jazýshy-ádebıetshi Oljas Súleımenov, memleket qaıretkeri Myrzataı Joldasbekov, Jazýshylar odaǵynyń tóraǵasy Nurlan Orazalın, «Kazahstanskaıa pravda» RG» AQ basqarma tóraǵasynyń orynbasary Aleksandr Tarakov qatysýda.
"Altyn tobylǵy konkýrsymyz osymen ekinshi ret ótip jatyr. Bul maǵynaly, mazmuny tereń shara. Jastarǵa qamqorlyq jasap, jas ádebıetke jol ashýdyń jartylaı memlekettik, jartylaı qoǵamdyq sıpaty bar konkýrsqa aınalyp jatyr. Altyn tobylǵy degen attyń ózi qazaqy sıpat, ulttyq sıpatty berip jatyr. Onyń negizgi quryltaıshysy - alǵashqy Prezıdent qory. Al ıdeıanyń avtory - Jazýshylar odaǵy", - dep atap ótti óz sózinde Qazaqstan Jazýshylar odaǵynyń tóraǵasy Nurlan Orazalın.
Aıta keteıik, «Altyn tobylǵy» ádebıet syılyǵy – jas qazaqstandyq avtorlardyń shyǵarmashylyq potensıalyn júzege asyrýǵa arnalǵan joba. О́tinimder qabyldaý osy jyldyń 1 shildesinen bastalǵan boaltyn. Konkýrstyń syılyq qory – 7 mln 600 myń teńge.
Búgin marapattaý rásiminde 5 nomınasııa boıynsha 6 úzdik shyǵarma avtorlary belgili bolady.
Aıan ÁBDÝÁLI, "Egemen Qazaqstan".