10 jeltoqsanda Venada ótetin OPEK pen oǵan kirmeıtin elderdiń kezdesýinen keıin munaı qymbattaýy múmkin, dep habarlaıdy Qazaqparat Energetıka mınıstri Qanat Bozymbaevtyń sózine silteme jasap.
"Qazaqstan OPEK-tiń munaı baǵasyn kóterý úshin óndiristi azaıtý týraly bastamasyn qoldaıdy. О́zderińizge belgili, OPEK óndiristi 3-4 paıyzǵa azaıtýǵa kelisti. Osynyń nátıjesinde baǵa 17 paıyzǵa deıin kóterilýi múmkin. Eger erteńgi kezdesýde ortaq kelisimge kele alatyn bolsa, munaı naryǵyndaǵy elder men kompanııalar úshin óte jaǵymdy jańalyq bolar edi", - deıdi mınıstr.
Sonymen qatar Bozymbaev óndiristi azaıtýdyń bizdiń ekonomıkaǵa eshqandaı zııan bermeıtinin aıtty.