Búgin Astanadaǵy Nazarbaev ortalyǵynda ádebıet salasyndaǵy «Altyn tobylǵy-2016» syılyǵy úshin ótkizilgen konkýrs qorytyndysy shyǵaryldy. Atalǵan shara barysynda konkýrstyń jeńimpazdary belgili boldy.
Atap aıtsaq, úzdik proza nomınasııasynda "Aǵa" shyǵarmasy úshin Almas Núsip Jaqypaqyn, úzdik dramatýrgııada - "Adam týraly ańyz" shyǵarmasy úshin Baıbol Álibek Ýálıhanuly, úzdik balalar shyǵarmasy atalymynda - "Táýelsizdik tuǵyry" taqyryby boıynsha Serikbol Hasan jeńiske jetti. Bul jeńimpazdarǵa 1 mln teńge kóleminde aqshalaı syılyq tabystaldy. Al Táýelsizdiktiń 25 jyldyǵyna arnalǵan "Táýelsizdik tuǵyry" taqyrybyndaǵy shyǵarmasy úshin Kretova Tatıana 1,5 mln teńge arnaıy syılyq aldy.
Jyldyń úzdik poezııasy retinde Erkeǵalı Beısenovtiń "Allajar Alash!" shyǵarmasy men Oljas Qasymnyń "Jarylys" týyndysy ataldy.
Bir aıta keterligi, konkýrsqa 18-35 jas aralyǵyndaǵy azamattar óz shyǵarmalaryn osy jyldyń 1 shildesinen bastap jibergen. Ádil qazylar alqasy úzdikterdi anyqtaý úshin barlyǵy 110 shyǵarma oqyp shyqqan.
Aıan Ábdýálı, "Egemen Qazaqstan".