2 jeltoqsan kúni saǵat 10.02-de Oral qalalyq ishki ister basqarmasynyń kezekshi bólimine Oral-Jelaev joly boıyndaǵy «Pıt Stop» janar-jaǵarmaı quıý stansasynan 700 metr jerden snarıadqa uqsas zat tabylǵany jóninde habar túsken, dep habarlaıdy QazAqparat.
Oblystyq ishki ister departamentiniń baspasóz qyzmetinen alynǵan málimetke qaraǵanda, oqıǵa ornyna jetken jedel tergeý toby onyń dıametri 76,2 mm, uzyndyǵy 37 sm bolatyn azamat soǵysy kezinen qalǵan snarıad ekendigin anyqtady. Qaýipsizdik sharalary saqtala otyryp, atalǵan snarıad joıyldy.
Aıta keteıik, mundaı snarıadtar oblys aýmaǵynan budan buryn da tabylǵan bolatyn.