«Barys» Qurlyqtyq hokkeı lıgasynyń turaqty chempıonatynda «Iýgra» komandasymen kezdesip, 4:2 esebimen jeńiske jetti.
Birinshi kezeńde Edýard Zankovestiń shákirtteri aıdyndaǵy oıynshy artyqshylyǵyn jaqsy paıdalanyp, esep ashty. Ony 3-mınýtta Naıdjel Doýs saldy.
Aıdyn ıeleri ekinshi kezeńde tarazy basyn teńestire bildi. 24-mınýtta Evgenıı Lapenkov jasaǵan soqqy kózdegen jerinen dál tabyldy.
Al sońǵy 20 mınýtta jankúıerler naǵyz «jan alysyp, jan berisken» oıynnyń kýási boldy. 43-mınýtta Nursultan Belgibaev nátıjeli soqqy jasap, «Barysty» alǵa shyǵarsa, araǵa birer mınýt salyp, «Iýgra» sapynan Pavel Varfolomeeev esepti teńestirip ketti. Alaıda, bul shaıba da olardy jeńilisten qutqaryp qala almady. 48-mınýtta Aleksandr Lıpın tablodaǵy kórsetkishti 3:2-ge jetkizse, kezdesýdiń aıaqtalýyna sanaýly sekýndtar qalǵanda Naıdjel Doýs sońǵy núkteni qoıdy.
Bul jeńisten keıin elordalyq jasaq 53 upaımen 8-orynǵa qaıta kóterildi. Kelesi kezdesýin 12 jeltoqsanda Qytaıdyń «Kýnlýn Red Star» komandasymen ótkizedi.