Polısııanyń qoly uzardy

Polısııanyń jumysy qashanda qarbalasqa toly. Qazirgi jaǵdaı tártip saqshylaryna óte qyraǵy ári saq bolýdy qajet edi. О́z kezeginde memleket te qoǵamnyń tynyshtyǵy men qaýipsizdigin qamtamasyz etip júrgen polısııanyń jaǵdaıyn jasaýdan esh aıanyp qalǵan emes. Mine, el Táýelsizdiginiń 25 jyl­dyq merekesi qarsańynda Jambyl oblysynyń ákimi Kárim Kóki­rekbaev jergilikti polısııa qyz­met­ker­leri­ne jańa 83 qyzmett­ik kóliktiń kiltin tabys etip, tártip saqshylarynyń mere­ıin kóterip tastady. – Bıyl barlyq oblystarda tár­tip saqtaý men quqyq buzý­shy­lyq­tar profılaktıkasyn júze­ge asyratyn jergilikti polı­sııa qyz­­meti quryldy, – dedi Kárim Kóki­­rek­baev. – Olarǵa jeke ákim­shilik ǵı­marat bóli­nip, oǵan jón­deý jumystary júr­gizildi. Aǵym­daǵy jyldyń on aıynda óńirde tirkelgen  qylmys­tyq quqyq buzý­­shy­lyqtardyń kór­set­kishi 11 pa­­ıyzǵa tómendedi. Son­daı-aq, asa aýyr qylmystar, qo­ǵam­­­dyq oryn­darda, kóshelerde ja­sala­tyn jáne bóten múlikti urlaý derekteri azaıdy. Bul, árıne, pro­fı­lak­tı­ka­lyq jumystardyń kú­she­­ıip, qyl­mys­tardyń aldyn alý­ǵa tıim­di isterdiń óz deńgeıinde atqa­ry­­­lyp jat­qandyǵyn kórsetedi. Ol úshin bizde barlyq múmkindikter bar. Aǵymdaǵy jyly ishki ister de­par­tamentine 6 mıllıard teń­ge­ge jýyq qarajat bólinse, onyń ishin­de jergilikti polısııa qyz­me­tin qar­jylandyrýǵa 557 mıllıon teńge qaraldy. Jańa 83 kólik­­tiń 70-i jergilikti polısııa qyz­me­ti­ne berilse, qalǵan 13-i jedel bas­qarý ortalyǵyna tabystal­dy. Al Jambyl oblystyq IID bas­shy­­sy, polısııa general-maıory Tile­gen Matkenov qylmyspen kú­resý­de jumys tıimdiligin art­ty­­ryp, po­lı­seılerdiń sapaly qyz­met at­qarýy úshin oblys bas­shy­ly­ǵynyń úne­mi kómek kórsetip kele jatqanyn aıtyp, alǵysyn bildirdi. Oralhan DÁÝIT, «Egemen Qazaqstan» Jambyl oblysy