Tamyzdyń 28-31-i aralyǵynda Qazaqstan Respýblıkasynyń Memlekettik hatshysy Qanat Saýdabaevtyń Nıderlandy koroldigine resmı sapary ótýde. Onyń barysynda Memlekettik hatshy «Iаdrolyq dıllemalar: búgin jáne erteń» atty halyqaralyq konferensııaǵa da qatysady dep kútilýde.
Nıderlandy jerindegi Memlekettik hatshynyń alǵashqy júzdesýi Nıderlandy Parlamenti Senatynyń Vıse-prezıdenti H. Frankenmen boldy. Onyń barysynda taraptar eki el arasyndaǵy baılanystardy tereńdetý máselelerin sóz etip, qarym-qatynastardyń serpindi bolýynyń eki jaqqa da tıimdi bolatynyn atap ótti.
Munan soń Memlekettik hatshy negizi 1997 jyldyń 29 sáýirinde qalanǵan halyqaralyq uıym – Hımııalyq qarýǵa tyıym salý uıymynyń Bas dırektory Ahmet Ýzıýmdjıýmen kezdesti. Búgingi kúni bul uıymǵa 188 el múshe bolsa, Egıpet, Sırııa, Soltústik Koreıa, Somalı men Angola ǵana múshelikke ótpegen eken.
Kezdesý barysynda taraptar adamzat balasynyń ómirine zaqym keltiretin qandaı da bir qarý qoldanýdyń jantúrshigerlik jáıt ekenine toqtalyp, hımııalyq qarýdy múldem paıdalanbaýdyń ózektiligin sóz etti.
30 tamyz kúni sapar jalǵasyn taýyp, Q.Saýdabaev joǵaryda atalǵan konferensııaǵa qatysyp, Norvegııa Parlamentiniń Vıse-prezıdenti M.Nıýbakpen, Nıderlandy syrtqy ister mınıstri Ý.Rozentalmen kezdesýi bolady dep kútilýde.
Osy sapar jaıyndaǵy tolyq maqalany gazettiń aldaǵy sanynan oqı alasyzdar.
Anar TО́LEÝHANQYZY, «Egemen Qazaqstan» – Gaagadan.