Qazaqstan Táýelsizdiginiń 25 jyldyǵy qarsańynda Tarazda «Araı» turǵyn úı alabyndaǵy jańa páterlerdiń kiltterin saltanatty tabystaý rásimi ótti, dep habarlaıdy qalalyq ákimdiktiń baspasóz qyzmeti.
«Araı» turǵyn úı alabyndaǵy quny 447,8 mln teńge bolatyn 80 páterli úı «Nurly jol» baǵdarlamasynyń aıasynda salyndy. Qurylysty «Agrospesstroı» JShS júrgizdi. Úı Qazaqstan Respýblıkasynyń «2020 jylǵa deıin óńirlerdi damytý» baǵdarlamasynyń aıasynda salyndy.
Jańa áleýmettik páterlerdiń kiltterine páter kezeginde turǵan 80 otbasy ıe boldy. О́ziniń jańa páterinde dastarhanyn jaıǵan eńbek ardageri Erejepbaı Jetibaev Elbasyna halyqty turǵyn úımen qamtamasyz etýge baǵyttalǵan baǵdarlamalary úshin zor alǵysyn bildirdi.
«25 jyldyń ishinde elimizde qanshama páter salyndy. Men páterdi memleketten alǵanyma razymyn»-dedi ol. «Araı» turǵyn úı alabyndaǵy kóppáterli turǵyn úı salý jumystary 2014 jyly bastaldy.