Túrkııa prezıdenti Rejep Taııp Erdoǵan Ystambulda bolǵan teraktiden adamdardyń qaıtys bolǵanyn rastady, - dep habarlaıdy Anadolu agenttigi.
Agenttiktiń málimetinshe, Erdoǵan terrorıstik akt qaýipsizdik qyzmetindegiler men beıbit turǵyndarǵa qarsy uıymdastyrylǵanyn aıtty. Sonymen qatar, prezıdent Túrkııanyń terrorıstik uıymdarmen áli de kúresip jatqanyn aıtty. Erdoǵan Túrkııanyń bul lańkesterdi jaýapkershilikke tartatynyn aıtyp ótti.
Al RIA Novostı basylymynyń málimetinshe, Erdoǵan Ystambulda bolǵan teraktini uıymdastyrýshylardyń barynsha kóp adamnyń kózin joıǵysy kelgenin aıtty.
"Búgin túnde biz taǵy da terrorıstik áreketterdiń kýágeri boldyq. Olardyń fýtboldan keıin birden terakt uıymdastyrýdaǵy maqsaty barynsha kóp adamnyń kózin joıý kerek bolǵany túsinikti. О́kinishke qaraı, teraktiden zardap shekkendermen qosa, qaza tapqandar da bar", - dep keltiredi agenttik Túrkııa prezıdentiniń sózderin.
Eske sala keteıik, búgin túnde Ystambulda birden eki terakt bolyp, qaza tapqandardyń sany 29 adamǵa jetken bolatyn. Oqıǵa ornyndaǵy jergilikti telearna málimetinshe, polıseıler otyrǵan avtobýstyń mańynda mınalanǵan kólik jarylyp ketken. Jarylystan zardap shekkenderdiń barlyǵy - polıseıler.