Elimizde aýa raıynyń qolaısyzdyǵynan úsh óńirde avtojoldar jabyldy, dep habarlady IIM tótenshe jaǵdaılar qyzmeti.
Osylaısha, Astanada 10 jeltoqsan kúni saǵat 18:00-den bastap, Astana-Kókshetaý baǵyty boıynsha barlyq kólik túrleri úshin joldar jabyldy. 11 jeltoqsan, saǵat 13:40-tan bastap, Astana-Pavlodar, saǵat 15:30-dan bastap, Astana-Qaraǵandy baǵyttary boıynsha joldar barlyq kólik túrleri úshin jabyldy.
Aqmola oblysynda 10 jeltoqsan, saǵat 12:30-dan bastap, Esil qalasynan Qostanaı oblysynyń shekarasyna deıin, 10 jeltoqsan, saǵat 18:00-den bastap, Shortandy-Astana baǵyty boıynsha, 11 jeltoqsan, saǵat 13:45-ten bastap, Astana-Ereımentaý-Shidertiden Pavlodar oblysynyń shekarasyna deıin, saǵat 15:20-dan bastap Astana qalasy baǵytynda Qaraǵandy oblysynyń shekarasyna deıin barlyq kólik túrlerine jol jabyq.
Qostanaı oblysynda saǵat 18:00-den bastap aýa raıynyń kúrt buzylýyna (burqasyn, kórinis shekteýli) baılanysty Qaraǵandy oblysynan Arqalyq qalasyna deıin, Aqmola oblysynyń shekarasyna deıin barlyq kólik túrleri úshin joldar jabyq.
Pavlodar oblysynda saǵat 18:00-den bastap, burqasyn men joldyń kórinis aımaǵynyń shekteýli bolýyna baılanysty Shiderti aýylynan Aqmola oblysynyń shekarasyna deıin barlyq kólik túrlerine jol jabyq.