Prezıdenttik saılaýdy utqannan keıin Donald Tramp birneshe eldiń basshylarymen sóılesip úlgerdi, dep habarlaıdy businessinsider basylymy.
О́tken apta Tramp Taıvannyń prezıdenti Saı Ing Ýenmen sóılesti. Bul AQSh prezıdentiniń 30 jyl ishinde alǵash ret Taıvan prezıdentimen tikeleı sóılesýi. Birqatar sarapshylar bul áńgimeniń AQSh-Qytaı qatynasyna keri áserin tıgizedi dep qaýiptengen.
Sonymen qatar Tramp Qazaqstan, Reseı jáne Fılıppınniń memleket basshylarymen telefon arqyly sóılesti. Osy telefon qońyraýlary arqyly Donald Tramptyń AQSh-tyń ondaǵan jyldar boıy sheshe almaı kele jatqan dıplomatııalyq máselelerin sheship tastaǵan.
1. Taıvan. Prezıdenttik saılaý qorytyndysy shyqqannan keıin Trampqa jer-jerden quttyqtaý qońyraýlary kelip jatty. Solardyń biri retinde Taıvan memleketi Tramppen áriptestik qurýǵa yntaly boldy dep baǵa beredi saıasattanýshylar. Osy oraıda Qytaıdyń Taıvandy ózine táýeldi provınsııalardyń biri retinde tanıtynyn, al Taıvan ózin táýelsiz el retinde biletinin eskersek, Tramptyń Taıvan bıligimen tikeleı sóılesýi belgili bir deńgeıde olardy Qytaıdan táýelsiz retinde tanyp, Beıjińmen aradaǵy yntymaqtastyqqa syzat túsirýi múmkin degender boldy. Alaıda, Aq úıdiń jańa basshysy bul turǵyda batyl qadam jasap, táýekelge bara bildi.
2. Fılıppınniń prezıdenti Rodrıge Dýterte bir kezderi Obamanyń atyna "beıádet" sóz aıtyp, AQSh-pen aradaǵy baılanysty buzǵan edi. Al Tramp onymen jeti mınýttyq áńgimesi barysynda eki eldiń dostyq baılanysyn qalyptastyrý kerektigin aıtyp, osy baǵytta birinshi bolyp qadam jasaýǵa daıyn ekenin aıtty. Sóz sońynda Tramp tipti ony Vashıngtonǵa shaqyrǵan.
3. Pákistan. Telefon arqyly alǵash bolyp sóılesken elderdiń qatarynda Pákistan premer-mınıstri Naýaz Shárip te bar. О́z sózinde Tramp Pákistan halqyn álemdegi eń aqyldy ulttyń biri retinde moıyndaıtynyn málimdep, óz kezeginde Naýaz Shárip Tramptyń jeńisin úlken erlik retinde baǵalady.
Jyl basynda álem boıynsha úlken daýǵa aınalǵan "Panama isinde" Naýaz Sháriptiń de aty atalyp, onyń týystary Panamada offshor ustaıtyny belgili bolǵan edi. Tramp osy oraıda eki eldiń baılanysynda bul daýdyń keri áser etpeıtinin aıtyp, aldaǵy ýaqytta Úndistan men Pákistannyń qatynastary qalypqa keletinine úmitti ekenin aıtty. Sóz sońynda eki el basshysy aldaǵy ýaqytta kezdesetin bolyp kelisti.