Qazaqstan Prezıdenti Nursultan Nazarbaev Reseı Federasııasy Memlekettik Dýmasynyń tóraǵasy Vıacheslav Volodınmen kezdesti, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý barysynda eki eldiń parlamentaralyq yntymaqtastyǵyn damytýdyń negizgi joldary, atap aıtqanda, memleketter basshylary deńgeıinde qabyldanǵan quqyqtyq sheshimderdi qamtamasyz etý josparlary talqylandy.
Nursultan Nazarbaev V.Volodındi Reseı Memlekettik Dýmasynyń tóraǵasy qyzmetine saılanýymen quttyqtady.
Taraptar eki el arasyndaǵy qarym-qatynasty nyǵaıtýdyń, sondaı-aq Qazaqstan men Reseı strategııalyq seriktestigine negizdelgen ıntegrasııalyq úderisterdi odan ári damytýdyń mańyzdylyǵyn atap ótti.
Sońynda V.Volodın Memleket basshysyn jáne respýblıka halqyn el Táýelsizdiginiń 25 jyldyǵymen quttyqtady.
– Qazaqstannyń qalaı damyp kele jatqanyn kórip otyrmyz. Elderińiz táýelsizdik alǵannan beri zor tabystarǵa jetti. Atap aıtqanda, halyqtyń ál-aýqaty jaqsaryp, ekonomıkanyń túrli salasynda jetistikterge qol jetkizildi, Astananyń damý qarqyny artty, – dedi Memlekettik Dýmanyń tóraǵasy.
V.Volodınniń Qazaqstanǵa kelýi onyń Memlekettik Dýma tóraǵasy retindegi shetelge alǵashqy sapary bolyp tabylady.