Astana qalasynda EKSPO-2017 halyqaralyq kórmesiniń bıletterin kassalarda satý bastaldy. Bılet kassalarynyń ashylý saltanaty elordadaǵy «Kerýen» SOO-da, «Han-Shatyr» SOO-da, sondaı-aq «MEGA Park» jáne «Almaty MEGA ortalyǵy» SOO-da ótti. Aıta keterligi, kórme bıletterin onlaın satý osy jyldyń 10 maýsymynda, ıaǵnı kórmege deıingi bir jyl buryn bastalǵan bolatyn.
Endi bıletterdi tek resmı saıttan ǵana emes, sondaı-aq kassalardan tikeleı satyp alýǵa bolady. Jumys kúnderi bılettiń baǵasy 4000 teńge, demalys kúnderi 6000 teńgeni quraıdy. Ázirge ashyq dataly bılet bolǵandyqtan, ıaǵnı kúnderi belgilenbegendikten 2000 teńgege qymbattaý. Stýdentter, oqýshylar, kóp balaly analar jáne jeńildik sanatyna kiretin basqa da qazaqstandyqtar EKSPO-2017 kórmesine 50 paıyz jeńildikpen kire alady. Al soǵys ardagerlerine, alty jasqa deıingi balalarǵa, jetim balalarǵa, barlyq toptaǵy múmkindigi shekteýli azamattarǵa kirý tegin.
«EKSPO-2017» bıletterdi satý strategııasy belgili bir kezeńderge negizdelgen. 10 maýsymda onlaın-satý, 10 shildede týroperatorlar úshin EKSPO kórmesine bıletterdi satý, 10 tamyzda - resellerler úshin, al 1 qyrkúıekte sýbagenttik jeli arqyly bıletterdi satý bastaldy. Qazir bıletterdi «Qazposhta» bólimshelerinen, Qazaqstannyń barlyq óńirlerindegi Naýwin/Meloman dúken jelilerinen jáne saýda-oıyn-saýyq ortalyqtarynan, sondaı-aq, Astana jáne Almatydaǵy kórmeniń resmı bılet kassalarynan alýǵa bolady. 10 naýryzdan bastap kassalar eldiń barlyq 14 óńirinde jumys jasaı bastaıdy.