Búgin Oralda el Táýelsizdiginiń 25 jyldyǵyna oraı oqýshylar saraıy ashyldy, dep habarlaıdy QazAqparat.
Onyń ashylý rásimine oblys ákimi Altaı Kólginov, QR Aqparat jáne kommýnıkasııalar mınıstri Dáýren Abaev, bokstan Rıo Olımpıadasynyń chempıony Danııar men onyń ákesi ári bapkeri Marat Eleýsinovter qatysty.
«Táýelsizdigimizdiń torqaly toıyna oraı oblys ortalyǵynda asa mańyzdy áleýmettik jáne sporttyq nysan – oqýshylar saraıy ashylyp otyr. Bul – óńir jastary men oqýshylary úshin kópten kútken erekshe oqıǵa. Qazirgi zaman talaptaryna sáıkes salynǵan sáýletti ǵımaratta jetkinshek urpaqqa qosymsha bilim berý úshin barlyq jaǵdaı jasalǵan. Sonymen qatar, Batys Qazaqstannan túlep ushqan dańqty sportshymyz Danııar Eleýsinov atyndaǵy boks ortalyǵynda balǵyn jastar jattyǵyp, óz sheberligin shyńdaıtyn bolady. Olardyń arasynan Danııar sııaqty bolashaqta el namysyn qorǵaıtyn sportshylar ósip shyǵaryna senim mol», – dedi Altaı Kólginov.
Oqýshylar saraıynda kitaphana, zerthana, kórme jáne konsert zaldary, ashana, jeńil atletıka zaly, muz aıdyny, planetarıı, observatorııa, basseın jáne basqa da oryndar bar. Keń zaldyń birinde D.Eleýsinov atyndaǵy boks ortalyǵy ornalasqan. Osynda Olımpıada chempıony óziniń alǵashqy sheberlik saǵatyn ótkizdi.
Onyń qurylysyna 3 mıllıard teńge jumsaldy.