«Qazaq Banki» AQ jalpy somasy 3,2 mlrd teńgege 3 200 000 dana jaı aksııa josparly túrde ornalastyrylǵanyn habarlady. Nátıjesinde banktiń jarǵylyq kapıtaly 33,3 mlrd teńgege ulǵaıdy. Sáıkesinshe, banktiń menshikti kapıtaly 39 mlrd teńgege ósti, dep jazady abctv.kz.
Banktiń menshikti kapıtaly Qazaq Banki otandyq bank salasyndaǵy ornyn nyǵaıtýǵa baǵyttalǵan strategııany iske asyrý aıasynda ulǵaıtylǵan bolatyn.
«Qazaq Banki» aksıonerler budan ári de aktıvterdiń ósip otyrýyna qaraı kapıtaldy ulǵaıtyp turýǵa nıetti. 2017 jyldyń 1 toqsanynyń sońyna deıin biz josparlanǵan ósim kórsetkishterine qol jetkizgen jaǵdaıda 3 mlrd teńgeden 5 mlrd teńgege qosymsha kapıtaldandyrý júrgiziledi dep kútip otyrmyz», — dedi banktiń basqarma Tóraǵasy Ǵanı Toqsanbaev.
2016 jyldyń basynan beri bank aktıvterdiń kólemi boıynsha naryq úlesin 1,4 paıyzdan 1,7 paıyzǵa ulǵaıtyp, kredıttik portfel boıynsha naryq úlesi 1,5 paıyzdan 2,1 paıyzǵa, depozıttik portfel boıynsha 1,5 paıyzdan 1,9 paıyzǵa ósti. 2016 jyldyń 1 jeltoqsanyndaǵy jaǵdaı boıynsha bank aktıvteri 428 mlrd teńgeni qurady. Onyń ishinde kredıttik portfel 333 mlrd teńgege jetti. Mindettemeler 392 mlrd teńgeni qurady, aǵymdaǵy jyldaǵy taza paıda – 1 724 mln teńge.