14 jeltoqsan kúni Almaty qalasynyń temirjol vokzalyna el aýmaǵy boıynsha 43 kúndik sapardan keıin «Táýelsiz Qazaqstan» poıyzy kelip toqtaıdy, dep habarlady QazAqparat.
El Táýelsizdiginiń 25 jyldyǵyna arnalǵan respýblıkalyq aksııany Qazaqstan halqy Assambleıasy uıymdastyrǵan bolatyn.
Poıyz 43 kúnniń ishinde elimizdiń barlyq óńirlerin aralap, 35 eldi mekende boldy.
Nátıjesinde: Qoǵamdyq kelisim keńesteriniń qoǵamdyq qabyldaýlarynda, qoǵamdyq kelisim jáne jalpyulttyq birlik salasyndaǵy negizgi qaǵıdalardy, «Máńgilik el» jalpyulttyq patrıottyq ıdeıasyn túsindirý boıynsha dáris-tanystyrylymdarǵa, semınar-trenıngterge 9,5 myńnan astam adam qatysty;
Azamattarǵa medısınalyq jáne konsýltatıvtik-dıagnostıkalyq kómek kórsetý máseleleri boıynsha 11,5 myńnan astam adam qatysty;
Jergilikti halyqqa áleýmettik qyzmetter, densaýlyq saqtaý, ádilet organdary, ulttyq ekonomıka, Aýyl sharýashylyǵy, Bilim jáne ǵylym, Aqparat jáne kommýnıkasııalar mınıstrlikteri ókilderiniń konsýltasııalyq qyzmetter kórsetý boıynsha kezdesýlerine 63,5 myńnan astam adam qatysty;
Poıyz quramynda QR Parlamentiniń depýtattary, QHA músheleri, mádenıet jáne sport qaıratkerleri, medısına jáne áleýmettik salalar qyzmetkerleri jumys istedi.