Táýelsizdik jyldarynda memleket tarapynan ádebıet, óner, mádenıet salalaryna, aqyn-jazýshylarǵa udaıy qoldaý kórsetilip keledi. Sonyń nátıjesinde elimizdiń rýhanı ómirinde oń ózgerister bolýda. Árıne, munyń barlyǵy elimizdegi tynyshtyq pen yntymaqtyń jarqyn kórinisi.
Elbasy Nursultan Nazarbaevtyń memleketimizdiń damýyna eldiń tatýlyǵy men birligi kepil bolyp otyrǵanyn únemi aıtýdan jalyqqan emes. Shyndyǵynda da yntymaǵymyz jarasqanda ǵana biz bıik belesterdi baǵyndyra alamyz. Ǵylymǵa umtylmaǵan, bilimge umtylmaǵan, búgingi toqshylyǵyna máz bolyp, erteńgisin oılamaǵan eldiń bolashaǵy bulyńǵyr. Sol úshin de memleketimiz irgemizdi mádenıetpen, bilimmen, ǵylymmen bekitýdi udaıy basty nazarda ustap keledi.
Búginde Qazaqstanda rýhanı qundylyqtardyń baǵasyn kóterip, ony elge nasıhattaýda qyrýar sharýalar atqarylýda. Munyń barlyǵy memleket saıasatynyń oń baǵytta júrgizilip otyrǵanynyń jemisi. Táýelsizdiktiń 25 jylynda qol jetkizilgen orasan zor tabystarymyz bizdiń keleshekke degen senimimizdi nyǵaıta túsýde.
О́zimiz kúndelikti estip, bilip júrgendeı álemniń keıbir tustarynda túrli jaǵdaılar oryn alýda. Sol aımaqtardaǵy keıbir elderdiń ǵasyrlar boıy jınaqtaǵan abyroıy, bedeli joǵalyp, halqy muńaıyp, kiriptar kúı keshýde. Bul jaıttardyń barlyǵy bizge sabaq bolýy tıis.
Qazirgi tańda, Qudaıǵa shúkir, Qazaqstanymyz órkendep, irgesin nyǵaıtyp, qýatty elge aınaldy. Munyń barlyǵy elimizde júrgizilip otyrǵan salıqaly saıasattyń arqasy ekeni shúbásiz. Sondyqtan, Táýelsizdigimiz qutty bolyp, ortaq Otanymyzdyń ashyq aspany aıasyndaǵy berekeli tirshiligimiz jalǵasa bersin.
Beksultan NURJEKEEV,
jazýshy, Memlekettik syılyqtyń laýreaty