Nursultan Nazarbaevtyń atyna Qazaqstan Respýblıkasy Táýelsizdiginiń 25 jyldyǵyna oraı shet memleketter basshylarynan quttyqtaýlar kelip túsýde, dep habarlady Prezıdenttiń baspasóz qyzmeti.
Túrikmenstan Prezıdenti Gýrbangýly Berdimuhamedov túrikmen halqynyń jáne jeke óziniń atynan Memleket basshysyn jáne barsha
baýyrlas Qazaqstan halqyn Táýelsizdik mereıtoıymen quttyqtady.
«Sizdiń eldiń táýelsizdik jyldarynda saıası, ekonomıkalyq jáne áleýmettik salalarda qol jetkizgen tabystaryn, sondaı-aq, elderimiz arasynda qalyptasqan jan-jaqty qarym-qatynastyń damý deńgeıiniń joǵary ekenin aıta kelip, biz ózara qurmet pen senim qaǵıdattaryna negizdelgen memleketaralyq únqatysýdy odan ári órbitý men nyǵaıtýdaǵy elderimizdiń aınymas ustanymy eki halyqtyń múddesine tolyq saı keletinine nyq senimdimiz», – delingen jedelhatta.
Budan bólek, Japonııa ımperatory Akıhıto bizdiń respýblıka azamattaryn mereıtoımen quttyqtap, Qazaqstan halqynyń odan ári ósip-órkendeýine nıettestik bildirdi jáne baq-bereke tiledi.