Qazaqstan Respýblıkasynyń Zańy: №27-VI QRZ

Osy Zań izgilik qaǵıdaty basshylyqqa alyna otyryp, Qazaqstan Respýblıkasy Táýelsizdiginiń jıyrma bes jyldyǵyna baılanysty qabyldandy.

1-bap. Osy Zańda paıdalanylatyn uǵymdar

Osy Zańda mynadaı uǵymdar paıdalanylady:

1) osy Zańnyń 2-baby 2-tarmaǵynyń 1) tarmaqshasynda, 4-baby 1 jáne 3-tarmaqtarynyń 1) tarmaqshasynda, 5-babynyń 1) tarmaqshasynda, 6-baby 2-tarmaǵynyń 1) tarmaqshasynda atalǵan adamdar – qylmys jasaǵan kezinde on segiz jasqa tolmaǵan adamdar;

2) osy Zańnyń 2-baby 2-tarmaǵynyń 2) tarmaqshasynda, 4-baby 1 jáne 3-tarmaqtarynyń 2) tarmaqshasynda, 6-baby 2-tarmaǵynyń 2) tarmaqshasynda atalǵan adamdar:

osy Zań qoldanysqa engiziletin kúnge júkti áıelder;

osy Zań qoldanysqa engiziletin kúnge ata-ana quqyqtarynan aıyrylmaǵan jáne on segiz jasqa tolmaǵan balalary, onyń ishinde asyrap alǵan ne qorǵanshylyqqa jáne (nemese) qamqorshylyqqa alǵan balalary bar ne qylmys jasaǵan jáne sottalǵan kezinde asyraýynda jasyna qaramastan múgedek balalary bolǵan áıelder;

osy Zań qoldanysqa engiziletin kúnge kámeletke tolmaǵan balalardyń jalǵyz ata-anasy bolyp tabylatyn jáne ata-ana quqyqtarynan aıyrylmaǵan er adamdar;

3) osy Zańnyń 2-baby 2-tarmaǵynyń 3) tarmaqshasynda, 4-baby 1 jáne 3-tarmaqtarynyń 3) tarmaqshasynda, 6-baby 2-tarmaǵynyń 3) tarmaqshasynda atalǵan adamdar – osy Zań qoldanysqa engizilgenge deıin Qazaqstan Respýblıkasynyń zańnamasynda belgilengen tártippen I, II jáne III toptardaǵy múgedekter dep tanylǵan adamdar;

4) osy Zańnyń 2-baby 2-tarmaǵynyń 4) tarmaqshasynda, 4-baby 1 jáne 3-tarmaqtarynyń 4) tarmaqshasynda, 6-baby 2-tar­ma­­ǵy­nyń 4) tarmaqshasynda atalǵan adamdar – osy Zań qol­danys­qa engiziletin kúnge elý jasqa tolǵan jáne ol jastan asqan áıelder, alpys jasqa tolǵan jáne ol jastan asqan er adamdar;

5) osy Zańnyń 2-baby 2-tarmaǵynyń 5) tarmaqshasynda, 4-baby 1 jáne 3-tarmaqtarynyń 5) tarmaqshasynda, 6-baby 2-tarmaǵynyń 5) tarmaqshasynda atalǵan adamdar – Uly Otan soǵysynyń qatysýshylary men múgedekteri jáne olarǵa teńestirilgen adamdar;

6) osy Zańnyń 2-baby 2-tarmaǵynyń 6) tarmaqshasynda, 4-baby 1 jáne 3-tarmaqtarynyń 6) tarmaqshasynda, 6-baby 2-tarmaǵynyń 6) tarmaqshasynda atalǵan adamdar – Qarýly Kúshterdiń, basqa da áskerler men áskerı quralymdardyń, onyń ishinde burynǵy KSR Odaǵynyń, áskerı jáne (nemese) ınternasıonaldyq boryshyn oryndaý kezinde qaza tapqan nemese habarsyz ketken áskerı qyzmetshileriniń basqa tirkelgen nekege turmaǵan jesirleri, sondaı-aq soǵys múgedekteriniń jáne olarǵa teńestirilgen adamdardyń áıelderi.

2-bap. Jazadan bosatylatyn adamdar

Qylmystyq teris qylyqtar jáne onsha aýyr emes qylmystar jasaǵan adamdar jazadan bosatylady. Aýyrlyǵy ortasha qylmystar úshin sottalǵan adamdar:

1) kámeletke tolmaǵandar;

2) júkti áıelder, kámeletke tolmaǵan balalary nemese múgedek balalary bar áıelder, sondaı-aq kámeletke tolmaǵan balalardyń jalǵyz ata-anasy bolyp tabylatyn er adamdar;

3) I, II jáne III toptardaǵy múgedekter;

4) elý jastaǵy jáne ol jastan asqan áıelder, alpys jastaǵy jáne ol jastan asqan er adamdar;

5) Uly Otan soǵysynyń qatysýshylary men múgedekteri jáne olarǵa teńestirilgen adamdar;

6) áskerı jáne (nemese) ınternasıonaldyq boryshyn oryn­daý kezinde qaza tapqan áskerı qyzmetshilerdiń jesir­leri, sondaı-aq kúıeýleri soǵys múgedekteri jáne olarǵa teńestiril­gen adamdar bolyp tabylatyn áıelder jazadan bosatylady.

Osy baptyń 2-tarmaǵynyń kúshi qoldanylmaıtyn, aýyrlyǵy ortasha qylmystar úshin sottalǵan:

1) bas bostandyǵynan aıyrýmen baılanysty emes jazasyn ótep jatqan jáne probasııalyq baqylaýdaǵy;

2) Qazaqstan Respýblıkasy Qylmystyq kodeksiniń 63-baby qoldanyla otyryp, sot úkimimen bas bostandyǵynan aıyrý túrindegi jaza taǵaıyndalǵan adamdar jazadan bosatylady.

3-bap. Jaza merziminiń ótelmegen bóligin aýystyrý

Osy Zańnyń 2-baby 2-tarmaǵynyń kúshi qoldanyl­maıtyn, aýyrlyǵy ortasha qylmystar úshin bas bostandyǵynan aıyrýǵa sottalǵan adamdarǵa jazasynyń ótelmegen bóligi aıyppulǵa ne bas bostandyǵyn shekteýge aýystyrylsyn.

4-bap. Jaza merziminiń ótelmegen bóligin qysqartý

Aýyr qylmystar úshin sottalǵan:

1) kámeletke tolmaǵandarǵa;

2) júkti áıelderge, kámeletke tolmaǵan balalary nemese múgedek balalary bar áıelderge, sondaı-aq kámeletke tolmaǵan balalardyń jalǵyz ata-anasy bolyp tabylatyn er adamdarǵa;

3) I, II jáne III toptardaǵy múgedekterge;

4) elý jastaǵy jáne ol jastan asqan áıelderge, alpys jastaǵy jáne ol jastan asqan er adamdarǵa;

5) Uly Otan soǵysynyń qatysýshylary men múgedek­terine jáne olarǵa teńestirilgen adamdarǵa;

6) áskerı jáne (nemese) ınternasıonaldyq boryshyn or­yndaý kezinde qaza tapqan áskerı qyzmetshilerdiń jesir­lerine, sondaı-aq kúıeýleri soǵys múgedekteri jáne olar­ǵa te­ńes­tirilgen adamdar bolyp tabylatyn áıel­der­ge;

7) qylmyspen keltirilgen zalal tolyq ótelgen jaǵdaıda, Qazaqstan Respýblıkasy Qylmystyq kodeksiniń Erekshe bóligin­de kózdelgen ekonomıkalyq qyzmet salasyndaǵy aýyr qylmys­tar úshin sottalǵandarǵa osy Zań qoldanysqa engiziletin kúnge jaza merziminiń ótelmegen bóliginiń jartysy qysqartylsyn.

Osy baptyń 1-tarmaǵynyń kúshi qoldanylmaıtyn, aýyr qylmys jasaǵany úshin sottalǵan adamdarǵa qylmyspen keltirilgen zalaldy tolyq ótegen jaǵdaıda, osy Zań qoldanysqa engiziletin kúnge jaza merziminiń ótelmegen bóliginiń tórtten biri qysqartylsyn. Asa aýyr qylmys jasaǵany úshin sottalǵan adamdarǵa:

1) kámeletke tolmaǵandarǵa;

2) júkti áıelderge, kámeletke tolmaǵan balalary nemese múgedek balalary bar áıelderge, sondaı-aq kámeletke tolmaǵan balalardyń jalǵyz ata-anasy bolyp tabylatyn er adamdarǵa;

3) I, II jáne III toptardaǵy múgedekterge;

4) elý jastaǵy jáne ol jastan asqan áıelderge, alpys jastaǵy jáne ol jastan asqan er adamdarǵa;

5) Uly Otan soǵysynyń qatysýshylary men múgedekterine jáne olarǵa teńestirilgen adamdarǵa;

6) áskerı jáne (nemese) ınternasıonaldyq boryshyn oryndaý kezinde qaza tapqan áskerı qyzmetshilerdiń jesirlerine, sondaı-aq kúıeýleri soǵys múgedekteri jáne olarǵa teńestirilgen adamdar bolyp tabylatyn áıelderge osy Zań qoldanysqa engiziletin kúnge jaza merziminiń ótelmegen bóliginiń besten biri qysqartylsyn.

5-bap. Raqymshylyq jasaý qoldanylmaıtyn adamdar

Osy Zańnyń kúshi:

1) kámeletke tolmaǵannyń on tórt jastan on segiz jasqa deıingi kámeletke tolmaǵanǵa qatysty jynystyq tıispeý­shi­likke qarsy qylmys jasaǵan jaǵdaıyn qospaǵanda, kámeletke tolmaǵandarǵa osyndaı qylmystar jasaǵan adamdarǵa;

2) terrorıstik qylmystar jasaǵan adamdarǵa;

3) ekstremıstik qylmystar jasaǵan adamdarǵa;

4) azaptaýlar jasaǵan adamdarǵa;

5) qylmystardyń qaıtalanýy nemese qaýipti qaıtalanýy kezinde jaza taǵaıyndalǵan adamdarǵa;

6) ólim jazasy keshirim jasaý tártibimen bas bostan­dyǵynan aıyrýǵa aýystyrylǵan, sondaı-aq ómir boıyna bas bostandyǵynan aıyrý taǵaıyndalǵan adamdarǵa;

7) buryn raqymshylyq jasaý nemese keshirim jasaý qoldanylǵan, qaıtadan qasaqana qylmystar jasaǵan adamdarǵa;

8) qylmystyq toptar quramynda qylmystar jasaǵany úshin sottalǵan adamdarǵa;

9) eger qylmystardyń birine osy Zańnyń kúshi qol­da­nyl­maıtyn bolsa, qylmystar jıyntyǵy bolǵan jaǵdaıda;

10) 1959 jylǵy 22 shildedegi Qazaq KSR Qylmystyq kodeksinde (1959 jylǵy 22 shildeden keıin 1998 jylǵy 1 qańtarǵa deıin engizilgen ózgeristermen jáne tolyqtyrýlarmen) kózdelgen mynadaı qylmystar: Otanǵa opasyzdyq (50-bap); shpıondyq (51-bap); terrorlyq akt (52-bap); shet memlekettiń ókiline qarsy terrorlyq akt (53-bap); dıversııa (54-bap); jaldamalylyq (62-2-baptyń ekinshi bóligi); bandıtızm (63-bap); eńbekpen túzeý mekemeleriniń jumysyna iritki salatyn áreketter (63-1-baptyń ekinshi bóligi); qylmystyq topty ne qylmystyq qoǵamdastyqty uıymdastyrý nemese basqarý, qylmystyq qoǵamdastyqqa qatysý (63-2-baptyń ekinshi bóligi); kontrabanda (64-baptyń ekinshi bóliginiń b) tarmaǵy, úshinshi jáne tórtinshi bólikteri); jappaı tártipsizdik (65-bap); jyljymaly temir jol sostavyn, áýe, teńiz nemese ózen kemelerin aıdap áketý ne basyp alý (72-1-baptyń úshinshi bóligi); jasandy aqshany nemese baǵaly qaǵazdy qoldan jasaý nemese ótkizý (73-bap); tonaý (76-1-baptyń úshinshi bóligi); shabýyl jasap tonaý (76-2-baptyń úshinshi bóligi); qorqytyp alý (76-7-baptyń úshinshi bóligi); bógde múlikti qasaqana joıý nemese búldirý (82-bap); qasaqana kisi óltirý (88-bap); deneni aýyr dárejede qasaqana jaraqattaý (93-baptyń ekinshi bóligi); áıeldi zorlaý (101-baptyń ekinshi, úshinshi jáne tórtinshi bólikteri); adam urlaý (116-baptyń úshinshi bóligi); ishki ister organdary qyzmetkeriniń, halyq jasaqshysynyń, anyqtama júrgizýshi adamnyń, tergeýshiniń, prokýrordyń, sýdıanyń nemese halyq zasedateliniń ómirine qastyq áreket (173-1-bap); buzaqylyq (200-baptyń ekinshi bóligi); atylatyn qarý-jaraqty, oq-dárini nemese jarylǵysh zattardy urlaý (203-baptyń úshinshi bóligi); radıoaktıvti materıaldar urlaý (205-2-bap); esirtki zattardy urlaý (213-1-baptyń ekinshi jáne úshinshi bólikteri); esirtki zattardy qoldanýǵa azǵyrý (213-2-baptyń ekinshi bóligi); esirtki zattardy zańsyz jasaý, alý, saqtaý, tasý, jiberý nemese ótkizý (214-baptyń besinshi bóligi); kólik quraldaryn basqaratyn adamdardyń kólik quraldary júrisi qaýipsizdigi jáne paıdalaný erejelerin buzýy (217-baptyń úshinshi bóligi); baǵynbaý (225-baptyń «b» tarmaǵy); bastyqqa qarsylyq kórsetý nemese ony qyzmet mindetterin buzýǵa zorlaý (227-baptyń «b» tarmaǵy); bastyqqa zorlyq áreketter jasaý (229-baptyń «a» tarmaǵy); bir-birine baǵynbaıtyn áskerı qyzmetshilerdiń ózara qarym-qatynastyń jarǵylyq erejelerin buzýy (231-baptyń «v» tarmaǵy); dezertırlik (234-baptyń «a» jáne «v» tarmaqtary); óziniń dene múshesine zaqym keltirý joly­men nemese basqa tásilmen áskerı qyzmetten bultarý (236-baptyń «a» tarmaǵy); áskerı múlikti qasaqana joıý nemese búldirý (238-baptyń «b» tarmaǵy); qarýdy, sondaı-aq aınalasyn­daǵylar úshin asa qaýip tóndiretin zattar men quraldar­dy qoldana bilý erejesin buzý (238-1-baptyń «b» jáne «v» tar­maqtary); mashınalardy júrgizý nemese paıdalaný erejelerin buzý (239-bap); ushý nemese oǵan daıyndalý erejesin buzý (240-bap); keme júrgizý erejesin buzý (241-bap); qaraýyl qyzmetiniń jarǵylyq erejelerin buzý (242-baptyń «v» jáne «g» tarmaqtary); shekaralyq qyzmetti atqarý erejelerin buzý (243-baptyń «v» tarmaǵy); jaýyngerlik kezekshilik atqarý erejelerin buzý (244-baptyń «v» tarmaǵy); soǵys qupııasyn jarııalaý nemese soǵys qupııasy jazylǵan qujattardy joǵaltý (246-baptyń «v» tarmaǵy) úshin sottalǵan adamdarǵa;

11) 1997 jylǵy 16 shildedegi Qazaqstan Respýblıka­sy­nyń Qylmystyq kodeksinde (1997 jylǵy 16 shildeden keıin 2015 jylǵy 1 qańtarǵa deıin engizilgen ózgeristermen jáne tolyqtyrýlarmen) kózdelgen mynadaı qylmystar: adam óltirý (96-bap); abaısyzda kisi óltirý (101-baptyń ekinshi bóligi); densaýlyqqa qasaqana aýyr zııan keltirý (103-baptyń ekinshi jáne úshinshi bólikteri); zorlaý (120-baptyń ekinshi, úshinshi jáne tórtinshi bólikteri); nápsiqumarlyq sıpattaǵy kúsh qoldaný is-áreketteri (121-baptyń ekinshi, úshinshi jáne tórtinshi bólikteri); adamdy urlaý (125-bap); bas bostandyǵynan zańsyz aıyrý (126-baptyń úshinshi bóligi); adamdy saýdaǵa salý (128-baptyń ekinshi, úshinshi jáne tórtinshi bólikteri); kámeletke tolmaǵan adamdy qylmystyq iske tartý (131-baptyń ekinshi, úshinshi, tórtinshi jáne besinshi bólikteri); kámeletke tolmaǵan adamdy qoǵamǵa qarsy is-áreketter jasaýǵa tartý (132-baptyń úshinshi bóligi); kámeletke tolmaǵan adamdy jezókshelikpen aınalysýǵa tartý (132-1-baptyń ekinshi, úshinshi jáne tórtinshi bólikteri); kámeletke tolmaǵandardy saýdaǵa salý (133-bap); basqynshylyq soǵysty josparlaý, ázirleý, tutandyrý nemese júrgizý (156-bap); basqynshylyq soǵysty tutandyrýǵa nasıhat júrgizý jáne jarııa túrde shaqyrý (157-bap); jappaı qyryp-joıý qarýyn óndirý nemese taratý (158-bap); soǵys júrgizýdiń tyıym salynǵan quraldary men ádisterin qoldaný (159-bap); genosıd (160-bap); ekosıd (161-bap); sheteldik qarýly qaqtyǵystarǵa qatysý (162-1-bap); halyqaralyq qorǵaý aıasyndaǵy adamdarǵa nemese uıymdarǵa shabýyl jasaý (163-bap); áleýmettik, ulttyq, rýlyq, násildik nemese dinı arazdyqty qozdyrý (164-bap); memlekettik opasyzdyq (165-bap); shpıonaj (166-bap); Qazaqstan Respýblıkasy Tuńǵysh Prezıdentiniń – Elbasynyń ómirine qol suǵýshylyq (166-1-bap); Qazaqstan Respýblıkasy Prezıdentiniń ómirine qastandyq jasaý (167-bap); bılikti kúshpen basyp alý nemese bılikti kúshpen ustap turý ne Qazaqstan Respýblıkasynyń ýákiletti organdary men laýazymdy adamdarynyń quzyryna kiretin ókilettikterdi shet memleket nemese sheteldik uıym ókilderiniń júzege asyrýy (168-baptyń birinshi bóligi); qarýly búlik (169-bap); dıversııa (171-bap); tonaý (178-baptyń tórtinshi bóliginiń a) tarmaǵy); qaraqshylyq (179-baptyń ekinshi, úshinshi jáne tórtinshi bólikteri); erekshe qundy zattardy urlaý (180-baptyń ekinshi bóligi); qorqytyp alýshylyq (181-baptyń úshinshi jáne tórtinshi bólikteri); avtomobıldi nemese ózge de kólik quraldaryn urlaý maqsatynsyz zańsyz ıelený (185-baptyń úshinshi jáne tórtinshi bólikteri); bóten adamnyń múlkin qasaqana joıý nemese búldirý (187-baptyń úshinshi bóligi); jalǵan aqsha nemese baǵaly qaǵazdar jasaý nemese satý (206-bap); ekonomıkalyq kontrabanda (209-baptyń úshinshi bóliginiń b) tarmaǵy); adamdy kepilge alý (234-bap); bir nemese birneshe qylmys jasaý maqsatynda uıymdasqan top qurý jáne ony basqarý, sol sııaqty oǵan qatysý (235-bap); qylmystyq qoǵamdastyq (qylmystyq uıym) qurý jáne ony basqarý, sol sııaqty oǵan qatysý (235-1-bap); bir nemese birneshe qylmys jasaý maqsatynda transulttyq uıymdasqan top qurý jáne ony basqarý, sol sııaqty oǵan qatysý (235-2-bap); transulttyq qylmystyq qoǵamdastyq (transulttyq qylmystyq uıym) qurý jáne ony basqarý, sol sııaqty oǵan qatysý (235-3-bap); uıymdasqan toptyń, qylmystyq qoǵamdastyqtyń (qylmystyq uıymnyń) ne transulttyq uıymdasqan toptyń, transulttyq qylmystyq qoǵamdastyqtyń (transulttyq qylmystyq uıymnyń) nemese turaqty qarýly toptyń (bandanyń) qyzmetin qarjylandyrý, sol sııaqty múlikti jınaý, saqtaý, bólý, qarjylandyrý arnalaryn ázirleý (235-4-bap); zańsyz áskerılendirilgen quramany uıymdastyrý (236-baptyń birinshi bóligi); bandıtızm (237-bap); úılerge, ǵımarattarǵa, qatynas jáne baılanys quraldaryna shabýyl jasaý (238-bap); áýe nemese sý kóligin ne jyljymaly temir jol sostavyn aıdap áketý, sonymen birdeı qolǵa túsirý (239-bap); teńiz qaraqshylyǵy (240-bap); jappaı tártipsizdikter (241-bap); sapasyz qurylys (245-1-baptyń úshinshi bóligi); ǵarysh qyzmetin júzege asyrý kezinde qaýipsizdik qaǵıdalaryn buzý (246-1-baptyń úshinshi bóligi); radıoaktıvti materıaldardy urlaý nemese qorqytyp alý (248-baptyń ekinshi jáne úshinshi bólikteri); aınalystan alynǵan zattardyń nemese aınalysy shektelgen zattardyń kontrabandysy (250-baptyń úshinshi jáne tórtinshi bólikteri); qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý (251-baptyń ekinshi jáne úshinshi bólikteri); qarýdy zańsyz jasaý (252-baptyń ekinshi jáne úshinshi bólikteri); qarýdy, oq-dárini, jarylǵysh zattar men jarý qurylǵylaryn urlaý ne qorqytyp alý (255-bap); buzaqylyq (257-baptyń úshinshi bóligi); esirtki zattardy nemese psıhotroptyq zattardy zańsyz daıyndaý, óńdeý, ıemdenip alý, saqtaý, tasymaldaý, jóneltý nemese satý (259-bap); esirtki zattardy nemese psıhotroptyq zattardy urlaý ne qorqytyp alý (260-bap); esirtki zattardy nemese psıhotroptyq zattardy tutynýǵa kóndirý (261-baptyń ekinshi, úshinshi jáne tórtinshi bólikteri); ýly zattardyń, sondaı-aq esirtki zattardy, psıhotroptyq nemese ýly zattardy daıyndaýǵa nemese uqsatýǵa paıdalanylatyn zattardyń, qural-saımandardyń nemese jabdyqtardyń zańsyz aınalymy (263-baptyń ekinshi, úshinshi jáne tórtinshi bólikteri), esirtki zattardy nemese psıhotroptyq zattardy tutyný úshin prıtondar uıymdastyrý nemese ustaý nemese osy maqsattar úshin úı-jaı berý (264-bap); temir jol, áýe nemese sý kóligi qozǵalysy men olardy paıdalaný qaýipsizdiginiń erejelerin buzý (295-baptyń úshinshi bóligi); kólik quraldaryn júrgizýshi adamdardyń jol qozǵalysy jáne kólik quraldaryn paıdalaný erejelerin buzýy (296-baptyń úshinshi bóligi); kólik quraldaryn sapasyz jóndeý jáne olardy tehnıkalyq aqaýlarymen paıdalanýǵa shyǵarý, mas kúıindegi adamdy kólik quralyn júrgizýge jiberý (298-baptyń tórtinshi bóligi); kólik quraldaryn nemese qatynas joldaryn qasaqana jaramsyzdyqqa keltirý (299-baptyń úshinshi bóligi); kóliktiń qaýipsiz jumys isteýin qamtamasyz etetin erejelerdi buzý (300-baptyń úshinshi bóligi); magıstraldyq trýba qubyrlaryn salý, paıdalaný nemese jóndeý kezinde qaýipsizdik erejelerin buzý (303-baptyń úshinshi bóligi); ókimet ókiline qatysty kúsh qoldaný (321-baptyń ekinshi bóligi); sot tóreligin nemese aldyn ala tergeýdi júzege asyrýshy adamnyń ómirine qol suǵý (340-bap); sot tóreligin júzege asyrýǵa nemese aldyn ala tergeý júrgizýge baılanysty qorqytý nemese kúsh kórsetý áreketteri (341-baptyń tórtinshi bóligi); jalǵan jaýap berýge nemese jaýap berýden jaltarýǵa, jalǵan qorytyndy berýge ne qate aýdarýǵa satyp alý ne májbúr etý (354-baptyń tórtinshi bóligi); qylmystyq-atqarý mekemesi ákimshiliginiń zańdy talaptaryna baǵynbaý (360-bap); qoǵamnan oqshaýlaýdy qamtamasyz etetin mekemeniń qyzmetkerine ne onyń jaqyndaryna, sondaı-aq sottalǵan adamǵa qatysty kúsh qoldanamyn dep qorqytý nemese olardyń densaýlyǵyna nemese ómirine qol suǵý (361-baptyń ekinshi, úshinshi jáne tórtinshi bólikteri); bastyqqa qarsylyq kórsetý nemese ony qyzmettik mindetterin buzýǵa májbúr etý (368-baptyń ekinshi bóligi); bastyqqa qatysty kúsh qoldaný is-áreketteri (369-baptyń ekinshi bóligi); bir-biriniń arasynda baǵynyshtylyq qatynastary bolmaǵan kezde áskerı qyzmetshilerdiń arasyndaǵy ózara qarym-qatynastardyń jarǵylyq erejelerin buzý (370-baptyń úshinshi bóligi); qashqyndyq (373-baptyń ekinshi bóligi); jaýyngerlik kezekshilikti atqarýdyń erejelerin buzý (375-baptyń ekinshi bóligi); qaraýyl (vahta) qyzmetin atqarýdyń jarǵylyq erejelerin buzý (377-baptyń ekinshi bóligi); áskerı sıpattaǵy qupııa málimetterdi jarııa etý nemese áskerı sıpattaǵy qupııa málimetteri bar qujattardy joǵaltý (386-baptyń úshinshi bóligi); aınaladaǵylarǵa qaýip týǵyzatyn qarý-jaraqty, sondaı-aq zattar men nárselerdi ustaý erejelerin buzý (390-baptyń úshinshi bóligi); mashınalardy júrgizý nemese paıdalaný erejelerin buzý (391-baptyń úshinshi bóligi); ushý nemese oǵan daıarlaný erejelerin buzý (392-bap); keme júrgizý erejelerin buzý (393-bap) úshin sottalǵan adamdarǵa;

12) 2014 jylǵy 3 shildedegi Qazaqstan Respýblıkasynyń Qylmystyq kodeksinde (2014 jylǵy 3 shildeden keıin osy Zań qoldanysqa engizilgenge deıin engizilgen ózgeristermen jáne tolyqtyrýlarmen) kózdelgen mynadaı qylmystar: adam óltirý (99-bap); abaısyzda qazaǵa ushyratý (104-baptyń ekinshi bóligi); densaýlyqqa qasaqana aýyr zııan keltirý (106-baptyń ekinshi jáne úshinshi bólikteri); qaýipti jaǵdaıda qaldyrý (119-baptyń tórtinshi bóligi); zorlaý (120-baptyń ekinshi, úshinshi jáne tórtinshi bólikteri); seksýaldyq sıpattaǵy zorlyq-zombylyq áreketteri (121-baptyń ekinshi, úshinshi jáne tórtinshi bólikteri); adamdy urlaý (125-bap); bas bostandyǵynan zańsyz aıyrý (126-baptyń úshinshi bóligi); adam saýdasy (128-baptyń ekinshi, úshinshi jáne tórtinshi bólikteri); kámeletke tolmaǵan adamdy qylmystyq quqyq buzýshylyqtar jasaýǵa tartý (132-baptyń ekinshi, úshinshi, tórtinshi jáne besinshi bólikteri); kámeletke tolmaǵan adamdy qoǵamǵa jat áreketter jasaýǵa tartý (133-baptyń úshinshi bóligi); kámeletke tolmaǵan adamdy jezókshelikpen aınalysýǵa tartý (134-baptyń ekinshi, úshinshi jáne tórtinshi bólikteri); kámeletke tolmaǵandar saýdasy (135-bap); eńbekti qorǵaý qaǵıdalaryn buzý (156-baptyń tórtinshi bóligi); basqynshylyq soǵysty josparlaý, daıyndaý, tutandyrý nemese júrgizý (160-bap); basqynshylyq soǵysty tutandyrýǵa nasıhat júrgizý nemese jarııa túrde shaqyrý (161-bap); jappaı qyryp-joıý qarýyn óndirý, ıemdený nemese ótkizý (162-bap); soǵys júrgizýdiń tyıym salynǵan quraldary men ádisterin qoldaný (163-bap); soǵys zańdary men dástúrlerin buzý (164-bap); qarýly qaqtyǵystar ýaqytynda halyqaralyq gýmanıtarlyq quqyq normalaryn qylmystyq buzýshylyqtar (165-bap); qarýly qaqtyǵys ýaqytyndaǵy áreketsizdik ne qylmystyq buıryq berý (166-bap); genosıd (168-bap); ekosıd (169-bap); sheteldik qarýly qaqtyǵystarǵa qatysý (172-bap); memleketke opasyzdyq jasaý (175-bap); tyńshylyq (176-bap); tonaý (191-baptyń tórtinshi bóligi); qaraqshylyq (192-baptyń ekinshi, úshinshi jáne tórtinshi bólikteri); erekshe qundylyǵy bar zattardy jymqyrý (193-baptyń ekinshi jáne úshinshi bólikteri); qorqytyp alý (194-baptyń úshinshi jáne tórtinshi bólikteri); avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý (200-baptyń úshinshi jáne tórtinshi bólikteri); bótenniń múlkin qasaqana joıý nemese búldirý (202-baptyń úshinshi bóligi); erekshe qundylyǵy bar zattardy qasaqana joıý nemese búldirý (203-bap); jalǵan aqsha nemese baǵaly qaǵazdar jasaý, saqtaý, alyp ótý nemese ótkizý (231-bap); uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý (262-bap); qylmystyq qoǵamdastyq qurý jáne oǵan basshylyq etý, sol sııaqty oǵan qatysý (263-bap); transulttyq uıymdasqan top, transulttyq qylmystyq uıym qurý jáne olarǵa basshylyq etý, sol sııaqty olarǵa qatysý (264-bap); transulttyq qylmystyq qoǵamdastyq qurý jáne oǵan basshylyq etý, sol sııaqty oǵan qatysý (265-bap); qylmystyq toptyń áreketin qarjylandyrý, sol sııaqty múlikti saqtaý, bólý, qarjylandyrý arnalaryn ázirleý (266-baptyń birinshi jáne úshinshi bólikteri); zańsyz áskerılendirilgen quralymdy uıymdastyrý (267-baptyń birinshi bóligi); bandıtızm (268-bap); teńiz qaraqshylyǵy (271-baptyń úshinshi bóligi); jappaı tártipsizdik (272-bap); kórineý jalǵan aqparat taratý (274-baptyń tórtinshi bóligi); taý-ken nemese qurylys jumystaryn júrgizý kezinde qaýipsizdik qaǵıdalaryn buzý (277-baptyń úshinshi bóligi); sapasyz salynǵan qurylys (278-baptyń úshinshi bóligi); sáýlet, qala qurylysy jáne qury­lys qyzmeti salasyndaǵy qaǵıdalardy nemese normatıvterdiń talaptaryn buzý (279-baptyń ekinshi bóligi); saraptamalyq jumystardy nemese ınjınırıngtik qyzmetter kórsetýdi tıisinshe oryndamaý (280-baptyń ekinshi bóligi); jarylys qaýpi bar obektilerde qaýipsizdik qaǵıdalaryn buzý (281-baptyń úshinshi bóligi); ǵarysh qyzmetin júzege asyrý kezinde qaýipsizdik qaǵıdalaryn buzý (282-baptyń úshinshi bóligi); radıoaktıvti zattarmen, radıoaktıvti qaldyqtarmen, ıadrolyq materıaldarmen zańsyz jumys isteý (283-baptyń úshinshi bóligi); radıoaktıvti zattardy, radıoaktıvti qaldyqtardy nemese ıadrolyq materıaldardy jymqyrý ne qorqytyp alý (284-baptyń ekinshi jáne úshinshi bólikteri); aınalystan alyp qoıylǵan zattardyń nemese aınalysy shektelgen zattardyń kontrabandasy (286-baptyń ekinshi jáne tórtinshi bólikteri); qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý (287-baptyń tórtinshi bóligi); qarýdy zańsyz jasaý (288-baptyń ekinshi bóligi); qarýdy, oq-dárilerdi, jarylǵysh zattar men jarylys qurylǵylaryn jymqyrý ne qorqytyp alý (291-bap); órt qaýipsizdigi talaptaryn buzý (292-baptyń úshinshi bóligi); buzaqylyq (293-baptyń úshinshi bóligi); esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý (296-baptyń tórtinshi bóligi); esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý (297-bap); esirtki, psıhotroptyq zattardy, sol tektesterdi jymqyrý ne qorqytyp alý (298-bap); esirtki, psıhotroptyq zattardy, sol tektesterdi tutynýǵa kóndirý (299-baptyń ekinshi, úshinshi jáne tórtinshi bólikteri); ýly zattardyń, sondaı-aq esirtki, psıhotrop­tyq nemese ýly zattardy daıyndaý nemese qaıta óńdeý úshin paıdalanylatyn zattardyń, qural-saımandardyń nemese jabdyqtardyń zańsyz aınalymy (301-baptyń ekinshi jáne úshinshi bólikteri); sanıtarııalyq qaǵıdalardy nemese gıgıenalyq normatıvterdi buzý (304-baptyń úshinshi bóligi); kámeletke tolmaǵandardyń pornografııa­lyq beıneleri bar materıaldardy nemese zattardy daıyndaý jáne olardyń aınalymy ne olardy pornografııa­lyq sıpattaǵy oıyn-saýyq is-sharalaryna qatysý úshin tartý (312-baptyń ekinshi jáne úshinshi bólikteri); medısına nemese farmasevtıka jumyskeriniń kásiptik mindetterin tıisinshe oryndamaýy (317-baptyń tórtinshi bóligi); zańsyz medısınalyq jáne farmasevtı­kalyq qyzmet jáne esirtki nemese psıhotroptyq zattardy alýǵa quqyq beretin reseptilerdi nemese ózge de qujattardy zańsyz berý ne qoldan jasaý (322-baptyń tórtinshi bóligi); sharýashylyq nemese ózge de qyzmetke qoıylatyn ekologııalyq talaptardy buzý (324-baptyń ekinshi bóligi); ekologııalyq turǵydan áleýetti qaýipti hımııalyq nemese bıologııalyq zattarmen jumys isteý kezinde ekologııalyq talaptardy buzý (325-baptyń úshinshi bóligi); mıkrobıologııalyq nemese basqa da bıologııalyq agenttermen nemese ýytty zattarmen jumys isteý kezinde ekologııalyq talaptardy buzý (326-baptyń úshinshi bóligi); sýlardy lastaý, qoqystaý nemese sarqý (328-baptyń úshinshi bóligi); atmosferany lastaý (329-baptyń ekinshi bóligi); teńiz ortasyn lastaý (330-baptyń ekinshi bóligi); jerdi búldirý (332-baptyń ekinshi bóligi); jer qoınaýyn qorǵaý jáne paıdalaný qaǵıdalaryn buzý (333-baptyń ekinshi bóligi); ekologııalyq lastaý zardaptaryn joıý jóninde sharalar qoldanbaý (343-baptyń úshinshi bóligi); temirjol, áýe, teńiz nemese ózen kóligi júrisi nemese olardy paıdalaný qaýipsizdigi qaǵıdalaryn buzý (344-baptyń úshinshi bóligi); kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy (345-baptyń tórtinshi bóligi); kólik quraldaryn basqarý quqyǵynan aıyrylǵan, alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn osyndaı adamnyń basqarýyna berý nemese kólik quralyn osyndaı adamnyń basqarýyna jol berý (346-baptyń besinshi bóligi); kólik quraldaryn sapasyz jóndeý nemese olardy tehnıkalyq aqaýlarymen paıdalanýǵa shyǵarý (348-baptyń tórtinshi bóligi); basqarýǵa quqyǵy joq júrgizýshiniń kólik quralyn basqarýyna jol berý (349-baptyń tórtinshi bóligi); kólik quraldaryn nemese qatynas joldaryn qasaqana jaramsyzdyqqa keltirý (350-baptyń úshinshi bóligi); kóliktiń qaýipsiz jumys isteýin qamtamasyz etetin qaǵıdalardy buzý (351-baptyń úshinshi bóligi); kólikte qoldanylatyn qaǵıdalardy buzý (353-baptyń tórtinshi bóligi); magıstraldyq qubyrlardy salý, paıdalaný nemese jóndeý kezinde qaýipsizdik qaǵıdalaryn buzý (354-baptyń tórtinshi bóligi); qubyrlardy qasaqana zaqymdaý nemese qıratý (355-baptyń úshinshi bóliginiń 4) tarmaǵy); alkogoldik, esirtkilik jáne (nemese) ýytqumarlyq masań kúıdegi adamnyń áýe, teńiz, ózen kemesin nemese shaǵyn kólemdi kemeni basqarýy, áýe, teńiz, ózen kemesin nemese shaǵyn kólemdi kemeni osyndaı adamnyń basqarýyna berý nemese osyndaı adamnyń basqarýyna jol berý (358-baptyń besinshi bóligi); basqarýǵa quqyǵy joq adamnyń áýe, teńiz nemese ózen kemesin basqarýyna jol berý (359-baptyń tórtinshi bóligi); bılik ókiline qatysty kúsh qoldaný (380-baptyń ekinshi bóligi); sot tóreligin nemese sotqa deıingi tergep-tekserýdi júzege asyratyn adamnyń ómirine qol suǵý (408-bap); sot tóreligin nemese sotqa deıingi tergep-tekserýdi júzege asyrýǵa baılanysty qorqytý nemese kúsh kórsetý áreketteri (409-baptyń tórtinshi bóligi); kórineý jalǵan sóz jetkizý (419-baptyń úshinshi jáne tórtinshi bólikteri); jalǵan aıǵaqtar berýdi nemese aıǵaqtar berýden jaltarýdy, jalǵan qorytyndy berýdi ne qate aýdarýdy paraǵa satyp alý nemese olarǵa májbúrleý (422-baptyń úshinshi jáne tórtinshi bólikteri); memlekettik qorǵaýǵa jatatyn adamdarǵa qatysty qoldanylatyn qaýipsizdik sharalary týraly málimetterdi jarııa etý (424-baptyń ekinshi bóligi); qylmystyq-atqarý mekemesi ákimshiliginiń zańdy talaptaryna baǵynbaý (428-bap); qoǵamnan oqshaýlaýdy qamtamasyz etetin mekemeniń qyzmetkerine ne onyń jaqyndaryna, sondaı-aq sottalǵan adamǵa qatysty kúsh qoldaný qaterin tóndirý nemese olardyń densaýlyǵyna nemese ómirine qol suǵý (429-baptyń ekinshi, úshinshi jáne tórtinshi bólikteri); buıryqqa baǵynbaý nemese ony ózgedeı oryndamaý (437-baptyń tórtinshi bóligi); bastyqqa qarsylyq kórsetý nemese ony qyzmettik mindetterin buzýǵa májbúrleý (438-baptyń ekinshi jáne úshinshi bólikteri); bastyqqa qatysty kúsh qoldaný áreketteri (439-baptyń ekinshi jáne úshinshi bólikteri); áskerı qyzmetshiler arasynda baǵynyshtylyq qatynastar bolmaǵan kezde olardyń arasyndaǵy ózara qarym-qatynastardyń jarǵylyq qaǵıdalaryn buzý (440-baptyń úshinshi jáne tórtinshi bólikteri); bólimdi nemese qyzmet ornyn óz betimen tastap ketý (441-baptyń tórtinshi bóligi); qashqyndyq (442-baptyń ekinshi jáne úshinshi bólikteri); áskerı qyzmetti atqarýdan jaltarý nemese bas tartý (443-baptyń ekinshi bóligi); jaýyngerlik kezekshilikti atqarý qaǵıdalaryn buzý (444-baptyń ekinshi bóligi); qaraýyl (vahta) qyzmetin atqarýdyń jarǵylyq qaǵıdalaryn buzý (446-baptyń ekinshi bóligi); qoǵamdyq tártipti saqtaý jáne qoǵamdyq qaýipsizdikti qamtamasyz etý jónindegi qyzmet atqarý qaǵıdalaryn buzý (449-baptyń úshinshi bóligi); áskerı sıpattaǵy qupııa málimetterdi jarııa etý nemese áskerı sıpattaǵy qupııa málimetter jetkizgishterdi joǵaltý (458-baptyń úshinshi jáne tórtinshi bólikteri); áskerı múlikti qasaqana joıý nemese búldirý (459-baptyń úshinshi bóligi); qarý-jaraqpen, sondaı-aq aınaladaǵylarǵa qaýip tóndiretin zattarmen jáne nárselermen jumys isteý qaǵıdalaryn buzý (462-baptyń úshinshi bóligi); mashınalardy júrgizý nemese paıdalaný qaǵıdalaryn buzý (463-baptyń tórtinshi bóligi); ushý nemese oǵan daıyndalý qaǵıdalaryn buzý (464-bap); korabl júrgizý qaǵıdalaryn buzý (465-bap); adamnyń alkogoldik, esirt­kilik nemese ýytqumarlyq masań kúıde mashınalardy júr­­gizýi, korablderdi júrgizýi, áskerı ushý apparatyn basqa­rýy, áskerı tehnıkany osyndaı adamnyń júrgizýine nemese basqarýy­na berý ne júrgizýine nemese basqarýyna jol berý (466-baptyń besinshi bóligi) úshin sottalǵan adamdarǵa qoldanylmaıdy.

6-bap. Qylmystyq ister boıynsha is júrgizýdi toqtatý

Qylmystyq teris qylyqtar jáne onsha aýyr emes qylmystar boıynsha barlyq qylmystyq ister jáne sottar qaramaǵan ister boıynsha is júrgizý toqtatylsyn. Mynalarǵa:

1) kámeletke tolmaǵandarǵa;

2) júkti áıelderge, kámeletke tolmaǵan balalary nemese múgedek balalary bar áıelderge, sondaı-aq kámeletke tolmaǵan balalardyń jalǵyz ata-anasy bolyp tabylatyn, ata-ana quqyqtarynan aıyrylmaǵan er adamdarǵa;

3) I, II jáne III toptardaǵy múgedekterge;

4) elý jastaǵy jáne ol jastan asqan áıelderge, alpys jastaǵy jáne ol jastan asqan er adamdarǵa;

5) Uly Otan soǵysynyń qatysýshylary men múgedekterine jáne olarǵa teńestirilgen adamdarǵa;

6) áskerı jáne (nemese) ınternasıonaldyq boryshyn oryndaý kezinde qaza tapqan áskerı qyzmetshilerdiń jesirlerine, sondaı-aq kúıeýleri soǵys múgedekteri jáne olarǵa teńestirilgen adamdar bolyp tabylatyn áıelderge qatysty aýyrlyǵy ortasha qylmystar boıynsha barlyq qylmystyq ister jáne sottar qaramaǵan ister boıynsha is júrgizý toqtatylsyn.

7-bap. Raqymshylyq jasaýdy qoldaný sharttary

Osy Zańnyń 2-babynyń 2-tarmaǵynda, 4-babynyń 1 jáne 3-tarmaqtarynda, 6-babynyń 2-tarmaǵynda atalǵan adamdarǵa qatysty raqymshylyq jasaýdy qoldaný úshin olardyń mártebesin rastaıtyn qujattardyń bolýy mindetti. Osy Zańnyń 4-babynda kózdelgen jaza merziminiń bir bóligin óteý osy Zań qoldanysqa engiziletin kúnge esepteledi. Raqymshylyq jasaýǵa jatatyn adamdar negizgi jazadan bosatylady. Eger ózine qatysty raqymshylyq jasaý qoldanylýy múmkin adam nemese onyń zańdy ókili buǵan qarsy bolsa, raqymshylyq jasaý qoldanylmaıdy. Osy Zańdy qoldaný kezinde sottalǵandyqty alyp tastaý 2014 jylǵy 3 shildedegi Qazaqstan Respýblıkasy Qylmystyq ko­deksiniń 79-babynda belgilengen jalpy negizderde júrgiziledi.

8-bap. Qazaqstan Respýblıkasynyń sottary sottaǵan, biraq jazasyn onyń sheginen tys jerde ótep jatqan adamdarǵa jáne jazany óteý úshin Qazaqstan Respýblı­ka­syna berilgen adamdarǵa raqymshylyq jasaýdy qoldaný

Qazaqstan Respýblıkasynyń sottary sottaǵan, biraq jazasyn onyń sheginen tys jerde ótep jatqan adamdarǵa raqymshylyq jasaýdy qoldaný týraly máseleni aýmaǵynda sot úkimin oryndaý júzege asyrylyp jatqan memlekettiń quzyretti organynyń usynýy boıynsha, Qazaqstan Respýblıkasy qatysýshysy bolyp tabylatyn halyqaralyq sharttardyń negizinde Qazaqstan Respýblıkasynyń sottary sheshedi.

Qazaqstan Respýblıkasy tıisti halyqaralyq sharttar jasaspaǵan shet memleketterden Qazaqstan Respýblıkasyna bas bostandyǵynan aıyrý túrindegi jazasyn odan ári óteý úshin berilgen adamdarǵa raqymshylyq jasaý mundaı adamdardy bergen memleketterdiń quzyretti organdarynyń kelisimimen ǵana qoldanylady.

9-bap. Osy Zańdy qoldaný tártibi

Osy Zańnyń 2, 3 jáne 4-baptaryn qoldaný sottalǵan adamnyń jazasy oryndalatyn jerdegi sottarǵa júkteledi. Osy Zańnyń 6-babyn qoldaný qylmystyq prosesti júrgizetin organdarǵa júkteledi. Osy Zańdy qoldaný prokýror bekitken qylmystyq qýdalaý organynyń (laýazymdy adamynyń) qaýlysy negizinde, sondaı-aq sot qaýlysy negizinde júrgiziledi. Jazany oryndaıtyn mekemeler men organdar osy Zańnyń ýaqtyly oryndalýyn qamtamasyz etý maqsatynda sottarǵa mynadaı qujattardy:

1) jazany odan ári óteýden bosatý týraly ne taǵaıyndalǵan jaza merzimin qysqartý týraly usynýdy;

2) sot úkiminen úzindi kóshirmeni (oǵan engizilgen ózgeris­termen qosa, eger mundaı ózgerister bolsa);

3) osy Zań qoldanysqa engiziletin kúnge jazanyń ótelgen jáne qalǵan merzimi týraly málimetterdi;

4) sottalǵan adamnyń jeke nemese baqylaý isin;

5) osy Zańnyń 2-babynyń 2-tarmaǵynda, 4-babynyń 1 jáne 3-tarmaqtarynda atalǵan adamdardyń mártebesin rastaıtyn qujattardy usynýǵa mindetti.

Sottar osy Zańdy qoldanǵan kezde prokýrordyń qatysýy mindetti. Osy Zańnyń erejeleri sotqa deıingi tergep-tekserý, sot talqylaýy júrgizilip jatqan adamdarǵa ne 1959 jylǵy 22 shildedegi Qazaq KSR Qylmystyq kodeksinde (1998 jylǵy 1 qańtarǵa deıin engizilgen ózgeristermen jáne tolyqtyrýlarmen) jáne 1997 jylǵy 16 shildedegi Qazaqstan Respýblıkasynyń Qylmystyq kodeksinde (2015 jylǵy 1 qańtarǵa deıin engizilgen ózgeristermen jáne tolyqtyrýlarmen) kózdelgen qylmystar úshin, 2014 jylǵy 3 shildedegi Qazaqstan Respýblıkasynyń Qylmystyq kodeksinde (osy Zań qoldanysqa engizilgen kúnge deıin oǵan engizilgen ózgeristermen jáne tolyqtyrýlarmen) kózdelgen qylmystyq quqyq buzýshylyqtar úshin sottalǵan adamdarǵa qoldanylady.

10-bap. Osy Zańnyń oryndalý merzimi

Osy Zańnyń 9-babynda kórsetilgen organdar osy Zań qoldanysqa engizilgen kúnnen bastap alty aı ishinde onyń oryndalýyn qamtamasyz etýge mindetti.

11-bap. Osy Zańdy qoldanysqa engizý tártibi

Osy Zań alǵashqy resmı jarııalanǵan kúninen bastap qoldanysqa engiziledi.

12-bap. Osy Zańdy iske asyrý jónindegi sharalar

Qazaqstan Respýblıkasynyń Úkimeti jáne oblystar­dyń, respýblıkalyq mańyzy bar qala men astananyń jergilikti atqarýshy organdary:

1) raqymshylyq jasaý boıynsha jazadan bosatylǵan jáne zaıyby (jubaıy) nemese jaqyn týystary joq I jáne II toptardaǵy múgedekter men jasynyń egde tartýyna baılanys­ty ózine-ózi kútim jasaı almaıtyn adamdardy stasıonarlyq úlgidegi medısınalyq-áleýmettik mekemelerge (uıymdarǵa) ornalastyrý;

2) bosatylǵan kámeletke tolmaǵandardy ata-analarynyń nemese olardy almastyratyn adamdardyń ne mamandandyrylǵan memlekettik organnyń qadaǵalaýyna berý;

3) sot úkimimen taǵaıyndalǵan, úkimdi oryndaý barysynda osy Zań qoldanylatyn kezge aıaqtalmaǵan eminiń jalǵastyrylýyn qamtamasyz etý;

4) raqymshylyq jasaý boıynsha jazadan bosatylǵandardy belgili bir turǵylyqty jeri joq adamdarǵa arnalǵan áleýmettik beıimdeý ortalyqtaryna ornalastyrý jóninde sharalar qabyldasyn.

 

Qazaqstan Respýblıkasynyń Prezıdenti

N.NAZARBAEV

Astana, Aqorda, 2016 jylǵy 13 jeltoqsan

№27-VI QRZ