1991 jyldan beri qaraı tek memlekettik bıýdjet esebinen óńirde jalpy aýmaǵy 6,1 mln. sharshy metr bolatyn 55 myń páter salyndy, dep habarlady oblys ákimdigi.
Sońǵy 25 jyl ishinde ónerkásip kólemi- 1600 ese, tartylǵan ınvestısııa – 2400 ese, jan basyna shaqqandaǵy JО́О́ – 40 ese, JО́О́- 1350 esege artqan. 1991 jyldan beri qaraı tek memlekettik bıýdjet esebinen óńirde jalpy aýmaǵy 6,1 mln. sharshy metr bolatyn 55 myń páter, 113 mektep, 487 mektepke deıingi uıym, 700 sport ǵımarattary, 122 densaýlyq saqtaý nysandary, 1000 shaqyrymnan astam avtokólik joldary salynyp, barlyq aýdan ortalyqtary gazdandyryldy.
Týý kórsetkishiniń 67,7%, halyq sanynyń 15%, ómir súrý uzaqtyǵy 72 jasqa deıin ósýi – táýelsizdik jyldary ishinde halyq jaǵdaıynyń jaqsarǵandyǵynyń dáleli.
25 jyl ishinde aıaǵymyzǵa nyq turyp, ómirlik tájirıbe jınaqtadyq. Munyń barlyǵy el Prezıdentiniń kóregendiginiń, oǵan degen halyqtyń úlken senimi men qoldaýynyń arqasynda múmkin bolǵandyǵyn barlyǵymyz jaqsy bilemiz.
Ákimdik habarlaǵandaı, Aqtóbe oblysynda Qazaqstan Táýelsizdiginiń 25 jyldyǵyn aýqymdy merekeleý 2016 jyldyń qańtar aıynda bastalǵan bolatyn. Kún saıyn óńirde aıtýly merekege arnalǵan ondaǵan shara ótkiziledi. Olardyń árqaısysy "Birlik pen Jasampazdyqtyń 25 jyly" Qazaqstan Respýblıkasy Táýelsizdiginiń 25 jyldyǵyn merekeleý tujyrymdamasyna saı, áleýmettik- ekonomıkalyq damýdyń barlyq salasyn qamtydy.