Qazaqstan Prezıdenti Nursultan Nazarbaev Táýelsizdiktiń 25 jyldyǵyna arnalǵan saltanatty shara barysynda eldiń damýyna jumys istegen barsha qazaqstandyqtarǵa alǵys aıtty, dep habarlaıdy strategy2050.kz.
«Barsha qazaqstandyqtarǵa, TV aldynda otyrǵan otandastarǵa, mereke kúnderi de jumys istep jatqan qyzmetkerlerge, demalyssyz, tynbaı eńbek etetin ónediris oshaqtarynyń jumyskerlerine, fermerler men ustazdarǵa, dárigerlerge, ǵalymdarǵa, kásipkerler men áskerı qyzmetkerlerge, óner ıelerine, jastarǵa eldiń gúldenýi jolynda eńbek etkenderi úshin alǵys bildiremin. Reformanyń qundylyǵyn arttyrǵan tynbaı eńbek etken turǵyndar bolyp tabylady. Bizdiń ekonomıkamyzdyń damýy kóptegen sarapshylardyń tańdaıyn qaqtyrdy. Táýelsizdik jyldary ekonomıkamyz 20 esege ósti. 25 jyldyń 17 jylynda ol tynymsyz ósýde», – dedi Elbasy.
Elbasy eń kúrdeli kezdiń ózinde otandastardyń qoldaýy kúsh-jiger bergenin aıtyp ótti.
«1991 jyldyń 10 jeltoqsanynda, ıaǵnı 25 jyl buryn men Prezıdent laýazymyna keldim. Halqym úshin kez kelgen synaqqa tótep berýge daıyn boldym. 25 jyl ótken soń Táýelsizdigimizdiń mereıtoıynda osy sózderdi qaıtalaǵym keledi. Men úshin Qazaqstan halqyna adal qyzmet etýden asqan baqyt joq», – dedi N.Nazarbaev.