Azamattyq ustanym arqaýy

Astanadaǵy Ulttyq akademııalyq kitaphanada «Daryn» Memlekettik jas­tar syılyǵynyń laýreaty Bolatbek Tólepbergenniń el Táýelsizdiginiń 25 jyl­dyǵyna jáne 1986 jylǵy Jeltoqsan oqıǵasynyń 30 jyldyǵyna oraı jaryq kórgen «Qasıettim – Jeltoqsan!» atty kitabynyń tusaýkeser rásimi ótti. Jalpy, 1986 jylǵy Jel­toqsan oqıǵasy týraly eńbek­ter barshylyq. Olardyń árqaı­sy­synyń orny bólek. Bul ta­qyryp aldaǵy ýaqytta ta talaı qalamgerlerdiń shyǵarmalaryna arqaý bolatyny kúmánsiz. О́ıtkeni, atalǵan másele ultymyzdyń taǵ­dyryna tikeleı qatysty. Mine, kúni keshe osy Jeltoqsan oqıǵasyn negizge alyp, onyń mán-mańyzyna tereńnen úńilýge úndeıtin taǵy bir jańa týyndy óz oqyrmanyna jol tartty. Parlament Senatynyń depýtaty Sársenbaı Eńsegenov, Májilis depýtaty Baqytbek Smaǵul, Qazaq radıosynyń dırektory Mahat Sadyq, jeltoqsanshylar, qoǵam qaıratkerleri, zııaly qaýym ókil­deri men jastar qatysqan tusaý­keser rásiminde atalǵan kitaptyń mazmuny, onda qamtylǵan jaǵ­daıattar keńinen sóz boldy. Jıynda atap ótilgendeı, «Daryn» Memlekettik jastar syı­lyǵynyń ıegeri, Qazaq radıosy dırektorynyń orynbasary – «Shalqar» radıosynyń dırektory Bolatbek Tólepbergenniń «Qasıettim – Jeltoqsan!» atty pýblısıstıkalyq kitabynda 1986 jylǵy Almaty qalasyndaǵy Jel­toqsan oqıǵasynyń shyǵý sebep-saldary men ór­bý barysy keńinen qamtylǵan. So­nymen qatar, oqıǵaǵa qatys­qan jáne odan keıingi kez­de azamattyq ustanymyn kór­setken zııalylarymyzdyń, jasta­rymyzdyń qaısarlyǵy týraly syr shertiledi. Budan bólek, Jeltoqsan oqıǵasyna túrtki bolǵan jaıttardan bastap, jel­toqsandyq qaharmandardyń is-áreketteri ashyp kórsetilip, jel­toqsanshylardyń birazynyń tizim­deri men sol 1986 jylǵy oqıǵaǵa qatysqan jastardyń derekteri berilgen. Avtor Jeltoqsan kóte­rilisine qatysty tolyqqandy maǵlumatty naqty derektermen dáıektep, jeltoqsandyq zııaly qaýym bolmysyn ashýǵa umtyla otyryp, oqıǵanyń bizge beımálim qyr­laryn baıandaýdy maqsat tutqan. Kitapty oqý arqyly biz Jel­toqsan oqıǵasy qazaq tarı­hynyń kúrdeli kezeńi ekenine kóz jetkizemiz. Avtordyń bul tııa­naqty eńbegi – qaharmandyq kúrestiń shynaıy beınesi men tolyq aqıqatyn ashýdaǵy saýapty da qajyrly talpynysy, ıgilikti istiń máýeli jemisi dep aıtýǵa tolyq negiz bar. Atalǵan kitap Mádenıet jáne sport mınıstrliginiń «Áde­bıettiń áleýmettik mańyzdy túr­­lerin basyp shyǵarý» baǵ­dar­lamasy boıynsha 2000 danamen «Keremet medıa» baspasynan jaryq kórdi. Joldybaı BAZAR, «Egemen Qazaqstan»