Shymkentte Qazaqstan Táýelsizdiginiń 25 jyldyǵyna oraı, tústi metall oramalaryn shyǵaratyn jáne elektr qozǵaltqyshtar jóndeıtin «KazElMash» JShS-niń saltanatty ashylýy ótti, dep habarlaıdy Ońtústik Qazaqstan oblysy ákimdiginiń baspasóz qyzmeti.
«Ońtústik» ındýstrıaldy aımaǵynda ornalasqan jobanyń quny 75 mln teńgeni quraıdy. Otyz adam jumyspen qamtylǵan óndiris ornynyń jobalyq qýattylyǵy jylyna 12 tonna. Kásiporynnyń saltanatty ashylý rásimine Ońtústik Qazaqstan oblysynyń kásipkerlik, ındýstrıaldy-ınnovasııalyq damý jáne týrızm basqarma basshysynyń orynbasary Ilııas Ospanov pen «Ońtústik» ındýstrıaldy aımaǵynyń bas dırektory Muhtar Turabekov qatysyp, jańa zaýyt jumysshylaryna sáttilik tiledi.
Aıta keteıik, Ońtústik Qazaqstan oblysynyń ındýstrıaldy aımaqtarynda 168 joba iske asyrý kózdelip jatsa, sonyń búginde jalpy quny 35,3 mlrd teńgeni quraıtyn 54 jobasy naqty iske asqan. Bul óz kezeginde 3 705 jumys ornyn ashýǵa múmkindik berdi. «KazElMash» JShS-i elektr mashınalaryna servıstik qyzmet kórsetip, kúrdeli jóndeýden (turaqty toq elektr qozǵaltqyshtary: asınhrondy, sınhrondy, joǵary kerneýli, jarylystan qorǵalǵan elektr qozǵaltqyshtardy, transformatorlardy, generatorlardy) ótkizýge qyzmet etpek. Sonymen birge, negizgi qyzmet túri retinde joǵary voltti jáne tómen voltti elektr mashınalarynyń stator jáne armatýra oramalaryn óndirip, tikburyshty symdar, dóńgelek qımaly mys jáne alıýmınıı jasaýmen aınalysady. Ázirge, Ońtústik Kazaqstanda teńdesi joq mundaı kásiporyn óńirimizde ǵana emes, Qyzylorda jáne Jambyl oblystarynda elektr vagondaryn jóndeý boıynsha jetekshi óndiris orny bolmaq.
Kompanııa klıentteri iri ken óńdeý kásiporyndary, sement zaýyttary, maqta óńdeý zaýyttary men un tartý kombınattary jáne basqa da kóptegen uıymdar.