Goldman Sachs bankiniń málimetinshe, Brent markaly munaıdyń baǵasy 2017 jyldyń birinshi jartysynda 59 dollar bolmaq. Qarjy ınstıtýtynyń joramaly boıynsha, keler jyly munaı óndirisin táýligine 1,8 mln barrelge deıin azaıtý jospary 84 paıyzǵa oryndalmaq.
Aıta keteıik, keler jyldan bastap OPEK+ elderiniń munaı óndirisin táýligine 1,8 mln barrelge deıin azaıtý týraly kelisimi óz kúshine enedi. Osy oraıda Qazaqstan da 2017 jyldan bastap táýligine qarashadaǵy kórsetkishten 20 myń barrelge kem óndirýge mindettelgen edi.
Eger atalǵan kelisim 100 paıyz oryndalatyn bolsa, qara altynnyń quny 6 dollarǵa deıin qymbattaýy múmkin.