Aqtaýdaǵy «QazAzot» JShS elimizde azotty mıneraldy tyńaıtqyshtardyń 90%-yn óndiretin iri kásiporyn bolýymen erekshelenedi. Kásiporynnyń elimizdiń ındýstrııalandyrý baǵdarlamasy men otandyq taýarlardy syrtqy naryqqa shyǵarý baǵytyndaǵy úlesi de zor. О́ndirgen óniminiń mańyzdylyǵyna oraı «QazAzot» kásipornynda jańǵyrtý, jumys qarqyndylyǵyn arttyrý maqsatyndaǵy jumystar aldyńǵy kezekke qoıylǵan. 2012-2014 jyldary údemeli ındýstrııalyq-ınnovasııalyq damýdyń memlekettik baǵdarlamasy aıasynda kásiporyn men sehtardy jańartý jumystary júrgizilip, «Shaǵyrly-Shómishti» gaz óńdeý ken ornynyń jobasy sátti júzege asyryldy. Byltyr tabıǵı gazdy ónerkásiptik jolmen óndirý bastaldy. Bıyl kásiporynda gazdy-porshendi elektr stansasy iske qosyldy.
– 2015-2019 jyldarǵa arnalǵan Indýstrııalandyrý kartasyna tehnologııalardy jańǵyrtý boıynsha «QazAzot» JShS jobasy kirgen bolatyn. Ol 3 kezeńnen turady, sonyń biri – gazdy-porshendi elektr stansasyn iske qosý. Aımaq úshin bul jańa jumys oryndarynyń ashylýy, ekonomıkany ártaraptandyrý, ındýstrııalandyrý men oblystyń eksportty áleýetin damytý bolyp tabylady, – dedi óńir basshysy A.Aıdarbaev.
Jumysy qaýyrt bola tura, buǵan deıin qýat kózin ózge mekemeden alyp kelgen kásiporyn endi elektr qýatyna qatysty táýeldiligin joıdy, demek shyǵyn azaıyp, esesine jumys qýattylyǵy arta túsetin bolady. Stansanyń qurylys jumystaryn belgilengen merzimde aıaqtaǵan reseılik «Zvezda-energetıka» AQ-tyń bas dırektory A.Andreev qýattylyǵy men tehnıkalyq jaǵynan tolyq qamtylǵan jobanyń zamanaýı standarttarǵa saı ekendigin aıtty.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
Sýretti túsirgen
Serik MAIEMEROV