Azyq-túlik korporasııasy qarasha-jeltoqsanda bıdaı men arpanyń satyp alý baǵasyn – 21% jáne 42%-ǵa, kúnbaǵys, zyǵyr, rapsty ortasha alǵanda 6%-ǵa qymbattatty, dep habarlaıdy Kazakh-zerno.kz.
Bıylǵy jylǵy qarashanyń sońy – jeltoqsannyń basynda bıdaı men arpa baǵasynyń arzandaýyna ákep soǵatyn jáıtter boldy. Aıtalyq, jyldyń sońyna deıin moınyndaǵy bereshegin qaıtarýdy oılaǵan aýyl sharýashylyq óndirýshiler tarapynan bıdaıdy satý jóninde usynystar kóp boldy.
Baǵanyń arzandap ketýin boldyrmaý, sondaı-aq dıqandardy qoldaý maqsatynda qarasha aıynda «Azyq-túlik korporasııasy» AQ óziniń enshiles «Astyq qoımalary» kompanııasyna tıesili nan bazalarynda bıdaı men arpanyń satyp alý baǵasyn 21% jáne 42%-ǵa kóterdi. Jeltoqsannyń basynda Azyq-túlik korporasııasymen kelisimshart jasasqan ózge de nan pisirýshi kásiporyndarda da satyp alynatyn bıdaıǵa qatysty dál osyndaı sheshim qabyldandy. Ondaı kásiporyndardyń sany 61.
Bıylǵy jyldyń qazan aıynda Azyq-túlik korporasııasy alǵash ret kúnbaǵys, zyǵyr, raps, soıa satyp alý jóninde habarlady. Qarashada atalǵan dándi-daqyldarǵa kompanııa belgilegen baǵa mólsheri joǵarlatyldy. Korporasııanyń mundaı sharalary óndirýshiler úshin tıimdi baǵa qalyptastyrýǵa yqpal etip, tabystaryn molaıtýǵa múmkindik berip otyr.