Delıde Qazaqstannyń Úndistandaǵy elshiliginiń qoldaýymen «Welcome to Kazakhstan. Country of Nomads» ınteraktıvtik týrıstik kórmesi ótti, dep habarlady SIM baspasóz qyzmeti.
Kórmege 150-den astam adam qatysty, sharada Qazaqstanǵa kelýge qushtarlyq bildirgen jergilikti týrıstik bıznes ókilderi men sáıkes uıymdar boldy.
Qazaqstannyń Úndistandaǵy elshisi Bolat Sársenbaev eki el arasyndaǵy týrıstik yntymaqtastyqtyń joǵary deńgeıin atap ótti. Sońǵy statıstıkalyq málimetterge sáıkes, Úndistannan shyǵatyn týrıstik aǵyn ótken jylmen salystyrǵanda 35 paıyzǵa kóbeıdi. Úndilik taraptyń basym bóligi Astana men Almaty qalalaryna kelýdi qalaıdy.
Dıplomat EKSPO-2017 mamandandyrylǵan halyqaralyq kórmesi kele jatqan jyldyń eń basty oqıǵasy bolyp otyr. Kórmeniń ózi Úndistannan týrısterdi tartýǵa múmkindik beredi.