Mańyzdy sheshimder qabyldanǵan basqosý

Taıaýda Máskeýde Qazaqstan Respýblıkasy Premer-Mınıstriniń birinshi orynbasary Asqar Mamınniń tóraǵalyǵymen Eýrazııalyq ekonomıkalyq komıssııa Keńesiniń otyrysy ótti. Atalmysh otyrys Sankt-Peterbýrg qalasynda ústimizdegi jyldyń 26 jeltoqsanynda bolatyn Joǵary Eýrazııalyq ekonomıkalyq keńestiń Memleket basshylary deńgeıindegi otyrysy qarsańynda ótip otyr.  Otyrystyń kún tártibine 19 másele engizildi. Bul týraly Premer-Mınıstrdiń resmı saıty habarlady. Talqylaý qorytyndysy bo­ıynsha qatysýshy memleketter Eýrazııalyq ekonomıkalyq odaqtyń (EAEO) saýda, ekonomıka jáne qarjy saıasaty, energetıka jáne ınfra­qurylym, básekelestik jáne monopolııaǵa qarsy retteý, óner­kásip, tehnıkalyq retteý salalary boıynsha birqatar mańyzdy sheshim­der qabyldady. Komıssııa Keńesi otyrys barysynda EAEO sheńberindegi О́ner­kásiptik yqpaldastyqtyń negizgi baǵyt­taryn júzege asyrý­dyń bire­geı monıtorıngi men nátıje­lerdi taldaýy týarly ereje­ni bekit­ti. Qujat О́nerkásiptik ynty­maqtas­tyq odaǵynyń damýyn, negiz­gi baǵyt­tardy júzege asyrý jospar­lary­ny­ń oryndalýyna taldaýdy, olar­dy júzege asyrý jónindegi jumys­tar­dyń tıim­diligin arttyrýdy sıpattaıtyn sandyq jáne sapalyq kórsetkish­terdi aıqyndaýǵa baǵyttalǵan. Sondaı-aq, О́nerkásiptik kooperasııa men sýbkontraktileýdiń eýrazııalyq jelisin qurý tujy­rymdamasy bekitildi. Tujy­rym­­damada sýbkontraktilik tapsy­rys­t­ardyń yqtımal áriptes­teri men jetkizip berýshilerin izdeý úshin sheshýshi aqparattyq jáne ınte­grasııalyq resýrs retindegi múshe memleketterdiń ónerkásip kásiporyn­darynyń biregeı reestri bazasynda eýrazııalyq jeli qurý qarastyrylǵan. Keńes músheleri EýrAzEQ-qa múshe memleketterdiń Komıs­sııaǵa EýrAzEQ aýmaǵyna engi­ziletin kedendik taýarlar týraly aqparat­ty usyný tártibin qarady. Mun­daı ózara is-qımyldar statıs­t­ı­ka­­lyq málimetter berýdi jú­zege asyrýǵa, sondaı-aq, EýrAzEQ el­deri óndirýshileriniń múd­de­lerin ilgeriletý boıynsha ýaqty­ly sharalar qabyldaýǵa jaǵdaı jasaı­dy. Keńes otyrysynyń qory­tyn­dysy boıynsha Eýrazııalyq eko­nomıkalyq odaqty odan ári damy­týǵa baǵyttalǵan ózara tıimdi sheshim­derge qol jetkizildi. Joǵaryda atap ótilgendeı, ústi­mizdegi jyldyń 26 jeltoq­sanyn­da Sankt-Peterbýrg qala­syn­da Joǵary Eýrazııalyq ekono­mı­kalyq keńestiń Memleket basshylary deńgeıindegi otyrysy ótedi. Joǵary keńes otyrysy sheń­be­rin­de EýrAzEQ-tyń Keden ko­dek­si­ne qol qoıý josparlanǵan. Atal­­­mysh qujattyń qabyldanýy EýrAzEQ sheńberinde kedendik pro­se­dý­ra­­lar­dyń búkil keshenin ret­teýge jaǵdaı jasaıtyn bolady. EýrAzEQ-tyń halyqaralyq qyz­meti máselelerine aıryqsha nazar aýdarylmaq. Onyń syrtynda Joǵary keńes otyrysy sheńberinde Memleket basshylary EýrAzEQ-tyń ortaq elektr energııasy rynogyn qurý baǵ­darlamasyn qaraıtyn bolady. Ony júzege asyrý atalmysh ıntegrasııalyq birlestik sheń­berin­d­e elektr qýatyn erkin saýdalaý úshin qajetti múmkindikter týǵyzbaq. Memleket basshylary, sondaı-aq, Úılestirilgen kólik saıa­saty­nyń negizgi baǵyttary men júzege asyrý satylaryn qaraıtyn bolady. Sol sııaqty Joǵary keńes otyrysynda Qyzmet kórsetýler sektory boıynsha beıtaraptandyrý josparyn jáne Saýdany qyzmet kórsetýlermen, mekemelermen jáne qyzmettermen retteý erejesin bekitý josparlanyp otyr.