Parlamenttik Assambleıa is-sharalaryna qatysty

Qazaqstan Parlamenti Májilisiniń Tóraǵasy Nurlan Nyǵmatýlın bastaǵan parlamenttik delegasııa 21-22 jeltoq­san­da Baký qalasynda (Ázerbaıjan) ótken Túrkitildes elder Parlamenttik Assambleıasynyń (TúrkPA) is-sharalaryna qatysty, dep habarlady Májilistiń baspasóz qyzmeti. Shara barysynda Qazaqstannyń TúrkPA-ǵa tóraǵalyǵy aıasynda osy uıymnyń jańa ákimshilik keńsesiniń ashylý saltanaty ótti. Onda Májilis Tóraǵasy sóz alyp, Ázer­baı­­jan Respýblıkasynyń Prezıdenti Ilham Alıevke Baký qalasynyń tórinen boı kótergen biregeı ǵımarat úshin TúrkPA-nyń Is basyn­daǵy tóraǵasy retinde uıym mú­she­leri atynan shynaıy alǵys sezimin bildirdi. Májilis Tóraǵasynyń aıtýynsha, osy mańyz­dy oqıǵa TúrkPA elderiniń Táýelsizdik alǵa­nyna 25 jyl tolǵan óte mańyzdy kezeń­de ótip otyr. Sonymen birge, 1920 jyly Shyǵys halyqtarynyń tuńǵysh sezi jáne bıyl 90 jyldyǵyn atap ótken tuńǵysh túrko­logııa­lyq sezd osy qalada ótkenin eske alǵan N.Nyǵ­matýlın tarıhı oqıǵalar toǵysqan Bakýde baýyrlas elderdiń bas shtab-páteriniń ornalasýy aıryqsha mańyzdy ekenin atap ótti. О́z sózinde: – Biz Ázerbaıjanda TúrkPA Hatshyly­ǵynyń jańa ofısin ashtyq. Ol – Elbasy Nursultan Nazarbaev negizin qala­ǵan TúrkPA-nyń jańa beleske shyǵýynyń naqty kórsetkishi. Bul Prezıdentimizdiń osy uıymdy qurý jónindegi ıdeıasynyń mańyz­dylyǵyn taǵy da kórsetti. Sondyqtan, alda­ǵy ýaqytta TúrkPA elderi, sonyń ishin­de, zań shyǵarýshy organdar arasyndaǵy áriptes­tik burynǵydan da tereńdeı túsetin bolady, – dedi Nurlan Zaırollauly. Bıylǵy basqosýdyń taǵy bir ereksheligi – TúrkPA-nyń sheshimimen Qazaqstan, Qyrǵyzstan, Ázerbaıjan jáne Túrkııa elderiniń prezıdentteri «Eńbegi úshin» medalimen marapattaldy. TúrkPA sharalary aıasynda Májilis Tór­aǵasy Ázerbaıjannan, Túrkııadan, Qyrǵyz­stannan kelgen áriptesterimen eki­jaqty kezdesýler ótkizdi. Túrkııa Uly Ult­tyq Jınalysynyń tóraǵasy Ismaıl Kahramen­men júzdesýi kezinde Májilis Tóraǵasy, eń aldymen, Qazaqstan Respýblıkasy Parlamenti Májilisi depýtattarynyń jáne óz atynan Ystanbul jáne Kaıseri qala­larynda oryn alǵan lańkestik saldarynan qaıtys bolǵandardyń qaıǵysyna ortaq­ta­syp kóńil aıta kelip, Qazaqstannyń qandaı túr­de bolsa da lańkestikti qatań aıyptaıtyndy­ǵyn jetkizdi. Májilis Tóraǵasynyń aıtýynsha, Túrik Res­pýblıkasynyń Prezıdenti Rejep Erdoǵan­nyń 2015 jylǵy Qazaqstanǵa memle­kettik sapary, sonymen birge, Qazaqstan Prezı­d­enti Nursultan Nazarbaevtyń Túr­kııaǵa 2016 jylǵy sáýirde jáne tamyzda jasaǵan saparlary ekijaqty ózara baılanysty jańa deńgeıge kóterdi. Qazaq-túrik qatynasyna jańa serpin berdi. Áńgime barysynda Nurlan Nyǵmatýlın: – Bıylǵy 15 shildedegi áskerı tóńkeris jasaý áreketinen keıingi aýyr jaǵdaıdan Túrkııa úlken abyroımen shyqty. Túrkııa halqy búkil álemge demokratııalyq el ekenin taǵy bir dáleldedi. Osy qıyn kúnderde bizdiń elimiz Túrik Respýblıkasynyń zańdy saılanǵan Prezıdentin, Parlamentin jáne Úkimetin qoldaıtynyn bildirdi. Osy jaǵdaıdan keıin Ankaraǵa birinshi bolyp resmı sapar jasaǵan – Qazaqstan Prezıdenti Nursultan Ábishuly Nazarbaev, – dedi. О́z kezeginde Ismaıl Kahraman Qazaq­stannyń bıylǵy jyly TúrkPA-ǵa tóraǵa­lyǵyn óte joǵary baǵalady. Odan ári Sırııa­daǵy qaqtyǵysty retteý boıynsha kelis­sózderdi Astanada júrgizý máselesine nazar aýdarǵan I. Kahraman: – Búgingi kúni Astana bitimgershilik máse­le­sinde aıryqsha ról atqarady. Bul – Qazaq­stan Prezıdenti Nursultan Nazarbaev­tyń eren eńbegi. Sondyqtan, únqatysý ala­ńy retinde dál Astananyń tańdalýy óte utym­dy sheshim dep esepteımin, – dedi. Kez­desý sońyn­da N.Nyǵmatýlın áriptesin Qazaq­stan­ǵa resmı saparmen kelýge shaqyrdy. Qazaqstan Parlamenti Májilisiniń Tór­aǵasy, sondaı-aq, Ázerbaıjan Mıllı Mejlısiniń tóraǵasy Oktaı Asadovpen jáne Qyrǵyzstan Jogorký Keneshiniń spıkeri Chynybaı Týrsýnbekovpen kezdesip, parla­mentaralyq baılanystardy nyǵaıtýǵa serpin berý arqyly baýyrlas memleketterdiń yntymaqtastyǵyn tereńdetýdiń ózekti máse­lelerin talqylady. Taraptardyń pikirin­she, parlamentaralyq ózara is-qımyldy tereń­­detý memleket basshylarynyń túrli sala­daǵy áriptestik kelisimderin tıimdi júze­ge asyrýǵa jol ashady. N.Nyǵmatýlın TúrkPA-ǵa múshe memleketter keler jyly Qyrǵyzstannyń tór­aǵa­lyǵy kezinde de bastalǵan isti tıimdi jal­ǵas­tyratynyna senim bildirdi.