Qazaqstan mektepteriniń 76 paıyzy ınternetpen qamtylǵan. Bul týraly búgin Ortalyq kommýnıkasııalyq qyzmetinde ótken brıfıngte Bilim jáne ǵylym mınıstrliginiń vıse-mınıstri Elmıra Sýhanberdıeva málimdedi.
«Mektepterdi Dúnıejúzilik ǵalamtor jelisine qosý boıynsha aýqymdy jumystar atqaryldy. Keńjolaqty ǵalamtormen qamtamasyz etý mektepterdiń 76% quraıdy. 2001 jyly 1 kompıýterge 62 oqýshy kelse, qazirgi tańda bul kórsetkish 1:11 quraıdy. Mektepterde «Onlaın oqytý júıesi» jobasy engizilýde», - dedi vıse-mınıstr.
Onyń aıtýynsha, respýblıkada ár tórtinshi oqýshy qosymsha bilim berýmen qamtamasyz etiledi, balalardy qamtý 389 myń balaǵa ulǵaıdy jáne 673 myń adamnan asady.