Shyǵystyń shuǵylaly da shuraıly jeriniń biri Shemonaıhada qar qalyń túsipti. Álsin-álsin kúrelip jatqan jolmen kóligimiz shanadaı syrǵyp keledi. Zevakıno eldi mekeninen ótkenimizde, jol shetinde áldebir alyp adam qol bulǵaǵandaı boldy. Dereý toqtasaq ta alǵa ozyp ketippiz. Sheginshekteı appaq taýdaı qardyń qasynda qarań-qurań etken jigitterge keldik. Mine, qyzyq, bizge qol bulǵaǵan alyp aqqala eken. Bıiktigi – 3 metrdeı. Aqqalanyń basyna shelek kıgizilip, kózi, aýyzy men muryny tehnıka bólshekterinen jasalǵan. Qolyna aýla sypyrtqysyn ustaǵan. Satyǵa shyǵyp, aqqala soǵyp jatqan Andreı Arbýzov janyndaǵy kómekshilerimen birge «Saharov» sharýa qojalyǵynda eńbek etetinin jetkizdi.
– Jańa jyl qarsańynda qojalyǵymyzdyń qasynan ári-beri ótetin jolaýshylarǵa jaqsy kóńil-kúı syılaý úshin alyp aqqala turǵyzdyq. О́tken jyly bir aqqala soqqan edik, bıyl eki aqqala jasamaqpyz, – dedi ol.
Bireýin aıaqtap, ekinshisine kóshken «saharovtyqtar» aqqalanyń alyp sharlaryn arnaıy qalyptarmen quıady eken. Andreıdiń aıtýynsha, aqqalanyń janyna fotosýretke túsetinder kóp. Ásirese, balalardyń kóńilin kóteretin týyndyǵa tez-aq aınalyp úlgeredi.
Dýman ANASh,
«Egemen Qazaqstan»
Shyǵys Qazaqstan oblysy,
Shemonaıha aýdany
Sýretti túsirgen Ǵylymbek Səbıtov