Uıym mıssııasynan oraldy

Qazaqstan Qarýly Kúshteriniń ofıseri podpolkovnık Asqar Qojaǵalıev Batys Saharada (MINURSO) referendým ótkizý kezinde beıbitshilik pen qaýipsizdikti saqtaý jóninde uıymdastyrylǵan Birikken Ulttar Uıymynyń mıssııasynan oraldy, dep habarlady Qorǵanys mınıstrliginiń baspasóz qyzmeti. Qazaqstandyq áskerı qyzmetshi týra bir jyl Afrıka elinde boldy. Sol ýaqyt ishinde ol eki bazada qyzmet atqardy. Sonyń bireýine komandır bolyp taǵaıyndaldy. «BUU-nyń mıssııasyna qatysa otyryp, men qajetti tájirıbe jınaqtadym jáne, árıne, alǵan bilimimmen bólisýge daıyn­myn. Budan buryn Batys Sahara­daǵy mıssııalarǵa qatysqan ofıser­lerimiz ózderin kásibı jáne tá­jirıbeli mamandar retinde kórsete bil­gen bolatyn», – deıdi Asqar Qojaǵalıev. Mıssııada áskerı baqylaýshylar bel­gili bir tapsyrmalardy atqa­ra­­dy. Iаǵnı, ýaqytsha bitimniń saq­ta­­­lý­yn qadaǵalaıdy, bólingen ja­­ýa­p­kershilik aımaqtaryn patrýl­deıdi. Bir ýaqytta bir bazada birden ár memlekettiń áskerı qyzmetshileri bolady. Asqar Qojaǵalıevtiń aıtýynsha, kimniń qaı elden kelgenine qaramastan, mıssııaǵa qatysýshylar únemi bir-birlerine demeý bolyp, qoldaý kórsetýge jáne tapsyrmalardy judyryqtaı jumylǵan ujym re­tinde oryndaýǵa tyrysady. Qazirgi ýaqytta Batys Sahara (MINURSO) jáne Kot-d Ivýardaǵy (UNOCI) BUU-nyń mıssııalaryna áskerı baqylaýshylar retinde Qazaqstan Qarýly Kúshteriniń tórt ofıseri qatysyp jatqanyn aıta ketken jón.