2016 jylǵy 2 jeltoqsan Astana, Úkimet Úıi
Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq jáne sheteldik teńiz kemeleri men qazaqstandyq áýe kemelerine baqylaýdy júzege asyrý qaǵıdalaryn bekitý týraly
«Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy Qazaqstan Respýblıkasynyń Zańy 55-babynyń 12-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq jáne sheteldik teńiz kemeleri men qazaqstandyq áýe kemelerine baqylaýdy júzege asyrý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2016 jylǵy
2 jeltoqsandaǵy №759 qaýlysymen bekitilgen
Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq jáne sheteldik teńiz kemeleri men qazaqstandyq áýe kemelerine baqylaýdy júzege asyrý qaǵıdalary
1-taraý. Jalpy erejeler
1. Osy Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq jáne sheteldik teńiz kemeleri men qazaqstandyq áýe kemelerine baqylaýdy júzege asyrý qaǵıdalary (budan ári – Qaǵıdalar) «Qazaqstan Respýblıkasynyń Memlekettik shekarasy týraly» Qazaqstan Respýblıkasynyń Zańy (budan ári – Zań) 55-babynyń 12-1) tarmaqshasyna sáıkes ázirlendi jáne Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq jáne sheteldik teńiz kemeleri (budan ári – teńiz kemeleri) men qazaqstandyq áýe kemelerine (budan ári – áýe kemeleri) kórsetilgen kemelerdiń Qazaqstan Respýblıkasynyń Úkimeti bekitetin qurlyqtyq qaırańda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan teńiz kemeleri men áýe kemeleriniń Qazaqstan Respýblıkasynyń Memlekettik shekarasyn birneshe márte kesip ótýine ruqsat berý tártibine sáıkes Qazaqstan Respýblıkasy Ulttyq qaýipsizdik komıtetiniń Shekara qyzmeti (budan ári – Shekara qyzmeti) bergen Qazaqstan Respýblıkasynyń Memlekettik shekarasyn birneshe márte kesip ótýge ruqsattardyń (budan ári – ruqsat) sharttaryn saqtaýy bóliginde ǵana baqylaýdy júzege asyrý tártibin aıqyndaıdy.
2. Ruqsat alǵan teńiz kemelerine qatysty baqylaýdy Shekara qyzmeti júzege asyrady.
Ruqsat alǵan áýe kemelerine qatysty baqylaýdy Shekara qyzmeti Qazaqstan Respýblıkasynyń Qarýly Kúshterimen birlesip júzege asyrady.
Zańnyń 70-baby 1-tarmaǵynyń 1) tarmaqshasyna sáıkes Qazaqstan Respýblıkasy Qarýly Kúshteriniń Áýe qorǵanys kúshteri Memlekettik shekarany áýe keńistiginde kúzetý kezinde Memlekettik shekarany kesip ótý tártibiniń saqtalýyn baqylaýdy júzege asyrady.
3. Qazaqstan Respýblıkasynyń qurlyqtyq qaırańynda jer qoınaýyn paıdalaný jónindegi operasııalarǵa tartylǵan teńiz jáne áýe kemelerimen tasymaldanatyn jolaýshylar dara kásipker nemese zańdy tulǵa usynatyn jolaýshylar tizimine sáıkes baqylaýdan ótedi, oǵan Shekara qyzmetiniń laýazymdy adamy baqylaýdan ótkeni týraly belgi qoıady.
4. Qazaqstan Respýblıkasynyń qurlyqtyq qaırańynda jer qoınaýyn paıdalaný jónindegi operasııalarǵa tartylǵan teńiz jáne áýe kemeleri tasymaldaıtyn júkter men taýarlar Qazaqstan Respýblıkasynyń aýmaǵyna Keden odaǵy men Qazaqstan Respýblıkasy keden zańnamasynyń talaptaryn saqtaı otyryp ákelinedi.
Keden odaǵy men Qazaqstan Respýblıkasy keden zańnamasynyń talaptaryn saqtaı otyryp, Qazaqstan Respýblıkasynyń aýmaǵyna ákelingen júkter men taýarlardy Qazaqstan Respýblıkasynyń aýmaǵynan qurlyqtyq qaırań aımaqtaryna ótkizý kedendik baqylaýsyz júzege asyrylady.
2-taraý. Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan teńiz kemelerine baqylaýdy júzege asyrý tártibi
5. Teńiz kemesi teńiz portynan (ornalasý pýnktinen) qurlyqtyq qaırań ústindegi sý keńistigine shyǵar aldynda, biraq odan buryn tórt saǵattan keshiktirmeı, teńiz kemesiniń Qazaqstan Respýblıkasynyń qurlyqtyq qaırańy ústindegi sý keńistigine shyǵýyn josparlaıtyn dara kásipker nemese zańdy tulǵa nemese teńiz kemesiniń kapıtany (kapıtannyń aýysymdyq kómekshisi) jaýapkershilik ýchaskesinde teńiz porty (ornalasý pýnkti) ornalasqan Shekara qyzmetiniń áskerı bólimine teńiz kemesiniń shyǵýǵa daıyn ekenin týraly kez kelgen baılanys quraldary arqyly aýyzsha habar beredi jáne ruqsat berýge qujattardy tapsyrǵan kezde málimdelgen júrý joly ózgergen jaǵdaıda, teńiz kemesiniń júrý marshrýtyn naqtylaıdy.
6. Shekara qyzmetiniń laýazymdy adamdary teńiz kemesine kelgennen keıin teńiz kemesin baıqaýdy jáne tekserip-qaraýdy uıymdastyrady. Teńiz kemesiniń kapıtany (kapıtannyń aýysymdyq kómekshisi) Shekara qyzmetiniń laýazymdy adamdaryna ruqsatty, Shekara qyzmeti áskerı bóliminiń komandıri kýálandyrǵan teńiz kemesi ekıpajynyń quramyn, keme jolaýshylarynyń tizimin jáne teńiz kemesi ekıpajynyń músheleri men jolaýshylardyń jeke basyn kýálandyratyn qujattardy usynady.
Shekara qyzmetiniń laýazymdy adamdary qujattardy ondaǵy málimetterdiń durystyǵy men olardyń durys resimdelýi turǵysynan tekserip, olardy teńiz kemesiniń kapıtanyna (kapıtannyń aýysymdyq kómekshisine) qaıtarady.
7. Shekara qyzmetiniń laýazymdy adamdary, sondaı-aq mynadaı qujattardyń bolýyn tekseredi:
1) teńiz kemesiniń Qazaqstan Respýblıkasynyń Memlekettik týyn kóterip júzý quqyǵy týraly kýálik;
2) keme jýrnaly;
3) teńiz kemesiniń jabdyqtalý men jaraqtalý qaýipsizdigi týraly kýálik.
8. Shekara qyzmetiniń laýazymdy adamdary teńiz kemesiniń kapıtany (kapıtannyń aýysymdyq kómekshisi) men ekıpajy múshelerine aýyzsha suraý júrgizedi, sondaı-aq kapıtanmen (kapıtannyń aýysymdyq kómekshisimen) birlesip, teńiz kemesin tekserip-qaraýdy júrgizedi.
9. Baqylaý aıaqtalǵannan keıin Shekara qyzmetiniń laýazymdy adamy ruqsatqa belgiler qoıady. Shekara qyzmetiniń laýazymdy adamy Shekara qyzmetiniń áskerı bólimine júrgizilgen is-sharalardyń nátıjeleri týraly baılanys quraldary arqyly aqparat jiberedi.
10. Teńiz kemeleriniń qurlyqtyq qaırań ústindegi sý keńistigine shyǵýy Shekara qyzmeti áskerı bóliminiń laýazymdy adamdary kemede baqylaýdy aıaqtaǵannan keıin Qazaqstan Respýblıkasynyń teńiz porttarynan (ornalasý pýnktterinen), teńiz termınaldarynan nemese aılaqtyq qurylystarynan júzege asyrylady.
Teńiz kemelerin qurlyqtyq qaırań ústindegi sý keńistigine shyǵarýdy Shekara qyzmeti áskerı bóliminiń komandıri kýálandyrǵan keme ekıpajy quramyna engizilgen adamdar júzege asyrady.
11. Qurlyqtyq qaırań ústindegi sý keńistiginde bolǵan kezde ruqsatqa sáıkes mynadaı talaptar saqtalady:
1) teńiz kemesiniń kapıtany (kapıtannyń aýysymdyq kómekshisi) Shekara qyzmetiniń áskerı bólimimen únemi radıobaılanysta bolady, kemeniń ornalasýynyń geografııalyq koordınattaryn kórsete otyryp, Qazaqstan Respýblıkasynyń memlekettik shekarasyn árbir kesip ótý faktisi týraly habardar etedi jáne ol týraly keme jýrnalyna jazba júrgizedi;
2) teńiz kemesiniń ornalasqan jeri týraly aqparatty únemi avtomatty túrde berýdi qamtamasyz etetin tehnıkalyq baqylaý quraldary isten shyqqan kezde teńiz kemesiniń kapıtany (kapıtannyń aýysymdyq kómekshisi) aqaý sebepteri týraly Shekara qyzmetiniń áskerı bólimine habarlaıdy.
Teńiz kemesiniń ornalasqan jeri týraly aqparatty únemi avtomatty túrde berýdi qamtamasyz etetin tehnıkalyq baqylaý quraldarynyń isten shyǵýyna ákelgen sebepterdi tórt saǵat ishinde joıý múmkin bolmaǵan jaǵdaıda, teńiz kemesiniń kapıtany (kapıtannyń aýysymdyq kómekshisi) bul týraly Shekara qyzmetiniń áskerı bólimin habardar etedi jáne aqaýdy joıý úshin teńiz portyna (ornalasý pýnktine) qaıta oralady;
3) Shekara qyzmeti laýazymdy adamdarynyń talaby boıynsha teńiz kemesiniń kapıtany (kapıtannyń aýysymdyq kómekshisi) kemeniń ornalasqan jerine qatysty aqparatty jáne kemeniń Qazaqstan Respýblıkasynyń Memlekettik shekarasyn birneshe márte kesip ótýine baılanysty basqa da qajetti aqparatty usynady.
12. Teńiz kemesi Qazaqstan Respýblıkasynyń teńiz portyna (ornalasý pýnktine), teńiz termınalyna nemese aılaqtyq qurylysyna kelerden buryn tórt saǵattan keshiktirmeı, teńiz kemesin basqaratyn dara kásipker nemese zańdy tulǵa nemese teńiz kemesiniń kapıtany (kapıtannyń aýysymdyq kómekshisi) bul týraly Shekara qyzmetiniń áskerı bólimine kez kelgen baılanys quraldary arqyly aýyzsha habar beredi. Shekara qyzmetiniń laýazymdy adamdary Qazaqstan Respýblıkasynyń teńiz portyna (ornalasý pýnktine), teńiz termınalyna nemese aılaqtyq qurylysyna kelip, kemege baıqaýdy uıymdastyrady, osy Qaǵıdalardyń 6 jáne 7-tarmaqtarynda kórsetilgen qujattardy tekserýdi, kemeni tekserip-qaraýdy, keme ekıpajy músheleriniń túsirilýin baqylaýdy júzege asyrady, keme kapıtany (kapıtannyń aýysymdyq kómekshisi) men ekıpajy múshelerine aýyzsha suraý júrgizedi.
13. Teńiz kemesinen ekıpaj múshelerin, adamdardy túsirý, kez kelgen júkter men taýarlardy túsirý (tıeý) Shekara qyzmetiniń baqylaýy aıaqtalǵannan keıin júzege asyrylady. Baqylaý aıaqtalǵan soń Shekara qyzmetiniń laýazymdy adamy ruqsatqa kemeniń teńiz portyna (ornalasý pýnktine) kelýi týraly belgi qoıady.
3-taraý. Qazaqstan Respýblıkasynyń qurlyqtyq qaırańynda ornalasqan kelisimshart aýmaǵyndaǵy jer qoınaýyn paıdalaný jónindegi operasııalarǵa tartylǵan qazaqstandyq áýe kemelerine baqylaýdy júzege asyrý tártibi
14. Shekara qyzmetiniń laýazymdy adamdary áýe kemesine kelgennen keıin áýe kemesine baıqaýdy jáne qarap-tekserýdi uıymdastyrady. Áýe kemesiniń komandıri (ushý ekıpajynyń múshesi) Shekara qyzmetiniń laýazymdy adamdaryna ruqsatty, memlekettik avıasııa salasyndaǵy ýákiletti organ bekitken ushý josparynyń (Flightplan) kóshirmesin, Shekara qyzmeti áskerı bóliminiń komandıri kýálandyrǵan áýe kemesi ekıpajynyń quramyn, keme jolaýshylarynyń tizimin jáne áýe kemesi ekıpajynynyń músheleri men jolaýshylardyń jeke basyn kýálandyratyn qujattardy usynady.
Shekara qyzmetiniń laýazymdy adamdary qujattardy ondaǵy málimetterdiń durystyǵy jáne olardyń durys resimdelýi turǵysynan tekserip, olardy áýe kemesiniń komandırine (ushý ekıpajynyń múshesine) qaıtarady.
15. Shekara qyzmetiniń laýazymdy adamdary áýe kemesiniń komandıri men ekıpajy múshelerine aýyzsha suraý júrgizedi, sondaı-aq áýe kemesiniń komandırimen (ushý ekıpajynyń múshesimen) birlesip, kemeni tekserip qaraıdy.
16. Baqylaý aıaqtalǵannan keıin Shekara qyzmetiniń laýazymdy adamy ushý tapsyrmasyna (ushý paraǵyna) jazba jasaıdy jáne ruqsatqa belgiler qoıady. Shekara qyzmetiniń laýazymdy adamy Shekara qyzmetiniń áskerı bólimine júrgizilgen is-sharalardyń nátıjeleri týraly baılanys quraldary arqyly aqparat jiberedi.
17. Áýe kemeleriniń qurlyqtyq qaırań ústindegi áýe keńistigine ushyp shyǵýy Shekara qyzmeti áskerı bóliminiń laýazymdy adamdary kemede baqylaý júrgizgennen keıin Qazaqstan Respýblıkasynyń áýe aılaqtarynan, tikushaq aılaqtarynan jáne qoný alańdarynan, onyń ishinde halyqaralyq ushýlar úshin ashylmaǵandarynan da júzege asyrylady.
Áýe kemelerin qurlyqtyq qaırań ústindegi áýe keńistigine ushyp shyǵarýdy Shekara qyzmeti áskerı bóliminiń komandıri kýálandyrǵan keme ekıpajy quramyna engizilgen adamdar júzege asyrady.
18. Qurlyqtyq qaırań ústindegi sý keńistiginde ornalasqan qalqymaly qonaqúılerdi qosa alǵanda, Qazaqstan Respýblıkasynyń aýmaǵynan jasandy araldarǵa, qondyrǵylar men qurylystarǵa, qalqymaly burǵylaý qondyrǵylaryna ne qalqymaly qonaqúılerdi qosa alǵanda, jasandy araldardan, qondyrǵylar men qurylystardan, qalqymaly burǵylaý qondyrǵylarynan Qazaqstan Respýblıkasynyń aýmaǵyna adamdardy, júkter men taýarlardy jetkizýdi júzege asyratyn áýe kemeleriniń ushýlary Qazaqstan Respýblıkasynyń áýe keńistigin paıdalaný salasyndaǵy zańnamasyna sáıkes azamattyq jáne memlekettik avıasııa salasyndaǵy ýákiletti organdarmen kelisý boıynsha júzege asyrylady.
19. Shekara qyzmetiniń laýazymdy adamdary ornalasý pýnktine kelip, áýe kemesin baıqaýdy uıymdastyrady, osy Qaǵıdalardyń 15-tarmaǵynda kórsetilgen qujattardy tekserýdi, kemeni tekserip-qaraýdy, keme ekıpajy músheleriniń túsýin baıqaýdy júzege asyrady, keme komandıri men ekıpajy múshelerine aýyzsha suraý júrgizedi.
20. Áýe kemesi ekıpajy músheleriniń túsýi, kez kelgen júkter men taýarlardy túsirý (tıeý) Shekara qyzmetiniń baqylaýy aıaqtalǵan soń júzege asyrylady. Baqylaý aıaqtalǵannan keıin Shekara qyzmetiniń laýazymdy adamy ruqsatqa áýe kemesiniń ornalasý pýnktine kelýi týraly belgiler qoıady, sondaı-aq ol týraly ushý tapsyrmasyna (ushý paraǵyna) jazba jasaıdy.