Astana men Tashkent Qazaqstannyń BUU Qaýipsizdik Keńesiniń turaqty emes múshesi máselesinde ózara tyǵyz árekettesýge ýaǵdalasty, dep habarlaıdy QR SIM-niń baspasóz qyzmeti.
23 jeltoqsan kúni QR Syrtqy ister mınıstri Erlan Ydyrysov Tashkentke jasaǵan jumys sapary barysynda О́zbekstan Prezıdenti Shavkat Mırzııoevtiń qabyldaýynda bolyp, ózbekstandyq áriptesi Abdýlazız Kamılovpen kelissózder ótkizdi.
«О́zbekstandaǵy prezıdenttik saılaýdan keıin osynaý joǵary deńgeıde ekijaqty qarym-qatynastar úshin alǵashqy bolǵan kezdesýlerdiń negizgi taqyryptary ekijaqty qarym-qatynasty belsendirý jáne Ortalyq Azııa óńiriniń turaqtylyǵy men qaýipsizdigine tóngen qaýip-qaterlerge birlesip tótep berý boldy», - delingen SIM habarlamasynda.