24 jeltoqsanda saǵat 18-00-de Aqbulaq ózenindegi muz aıdynynyń ashylýy ótedi.
Uıymdastyrýshylar «Almaty» aýdany ákiminiń apparaty Dene shynyqtyrý jáne sport basqarmasymen, Sporttyq-buqaralyq sharalardy ótkizý dıreksııasymen jáne Astana qalasynyń kommýnaldyq sharýashylyq qorymen birlese otyryp kóńildi baǵdarlama ázirledi.
Taza aýada qonaqtardy ınteraktıvti baıqaýlar, «Open air» bı keshi, sondaı-aq, jas mánerlep syrǵanaýshylar men qalanyń jasóspirimder hokkeı komandalarynyń kórsetilimdik nomerleri josparlanǵan, dep habarlady Astana ákiminiń baspasóz qyzmeti.
Osy kúni saǵat 12-de «Esil» aýdanynyń ákimi Ermaǵanbet Bólekbaevtyń qatysýymen «Araı» baǵynda úlken muz aıdyny ashylady. Kólemi 5 myń sharshy metr bolatyn muz aıdynyna bir ýaqytta 250 adam konkı tebe alady. Munda mýzyka men jaryq-ıllıýmınasııalyq jaryqtandyrý qarastyrylǵan. Baqtyń aýmaǵynda jańajyldyq shyrsha, qolónershilerdiń jármeńkesi ornalasqan, syrǵanaıtyn tóbeshikter jasalǵan. Konkı men shanany jalǵa alý quny saǵatyna 500 teńge kóleminde bekitildi. Qala turǵyndaryna yńǵaıly bolýy úshin dámhana, medısınalyq beket jáne radıodúńgirshek jumys isteıdi.
«Saryarqa» aýdanyndaǵy 4 muz aıdyny keıinirek ashylady, olar kelesi meken-jaılar boıynsha ornalasady: «Sine Tempore» SÚ aldyndaǵy qalalyq alań, Qosshyǵululy kóshesindegi «Severnyı» saýda úıine qarsy alań, Kóktal turǵyn alabyndaǵy «GAZ» teatrynyń aldyndaǵy alań, jáne «О́ndiris» turǵyn alabyndaǵy № 49 orta mekteptiń aýmaǵy. Belsendi demalysty súıetinder úshin Saryarqa dańǵylynda «Astana» sport kesheniniń qasynda 30h60 metrlik hokkeı korty jumys isteıdi.