Ulybrıtanııa ókilderi Astana EKSPO kórmesindegi óz pavılondaryn kıiz úı keıpinde bezendirýdi josparlap otyr. Bul týraly Londondaǵy tilshimizge bergen suhbatynda EKSPO-2017-niń ulybrıtanııalyq komıssary aıtty, dep habarlaıdy khabar.kz.
«Biz sondaı-aq brıtanııalyq kompanııalarǵa Qazaqstanmen áriptestik ornatýdyń paıdasy shash etekten ekendigin jetkizgimiz keledi. Onyń ústine sizderdiń elderińiz arqyly Reseı jáne Qytaı sııaqty alyp memleketterdiń naryǵyna shyǵýǵa úlken múmkindik bar. 1851 jylǵy birinshi kórmege 6 mln-ǵa jýyq adam qatysyp, uıymdastyrýshylardy paıdaǵa batyrǵany belgili. Kelesi jyly Qazaqstan da EKSPO ótkizý arqyly birshama baǵyttar boıynsha tabysqa jetýdi josparlap otyr. Al brıtanııalyqtar ázirge keıbir uıymdastyrý máseleleri boıynsha tis jarǵysy joq. Biraq bir belgilisi, pavılondarynyń syrtqy pishini qazaqtyń kıiz úıine uqsas bolmaq», – dedi Ulybrıtanııanyń EXPO-2017 kórmesindegi komıssary Charlz Hendrı.