QR Prezıdenti Nursultan Nazarbaev RF Prezıdenti Vladımır Pýtınge Tý-154 ushaǵynyń qulaýyna baılanysty kóńil aıtty, dep habarlady Aqordanyń baspasóz qyzmeti.
«Qazaqstan Prezıdenti Reseı Federasııasynyń Qorǵanys mınıstrligi ushaǵynyń Sochı qalasy mańynda apatqa ushyraýy saldarynan Reseı azamattarynyń qaza bolǵany týraly qaıǵyly habardy zor kúızelispen qabyldady», delingen habarlamada. Sondaı-aq, onda «Nursultan Nazarbaev qaıǵyǵa ortaqtasyp, Qazaqstan halqynyń jáne jeke óziniń atynan qaza bolǵandardyń týystary men jaqyndaryna, sondaı-aq barsha Reseı halqyna kóńil aıtty» dep jazylǵan.