Qytaıda BMW kólik konserniniń 193 myńnan astam kóligi qaýipsizdik jastyǵyndaǵy aqaýǵa baılanysty keri qaıtarylady, dep habarlaıdy «Sınhýa» agenttigine silteme jasaǵan TASS.
Kólikti paıdalaný barysynda gazgeneratordyń buzylýyna baılanysty qaýipsizdiktiń frontaldi jastyqtarynyń ashylýy kezinde aldyńǵy oryndyqta júrgizýshi men jolaýshynyń jaraqat alý qaýpi anyqtalǵan. Dılerdiń aqaýdy joıý baǵdarlamasy Qytaıǵa 2005 jylǵy 9 jeltoqsannan 2011 jylǵy 23 jeltoqsan aralyǵynda tasymaldanǵan 168 myń, sondaı-aq 2005 jylǵy shildeden bastap 2011 jylǵy 31 jeltoqsan aralyǵynda ákelingen 25 myń kólikti qamtymaq. Barlyq jumys kólik konserniniń esebinen júrgiziledi.