26 jeltoqsan kúni Oqýshylar saraıynda Qazaqstan Respýblıkasy Prezıdenti N.Á.Nazarbaevtyń atynan Jańa jyldyq shyrsha ótti. Sharaǵa Astana qalasynyń ákimi Áset Isekeshev qatysty. Jańa jyldyq sharanyń taqyryby "EHRO jańa jyldyq alaýy".
Is-sharaǵa 200 bala qatysty. Onyń ishinde 28 - jetim, 79 - ata-analarynyń qamqorlyǵynsyz qalǵan, 14 - múmkindigi shekteýli, 55 - az qamtylǵan jáne kóp balaly otbasynan shyqqan, 24 - daryndy bala. Qatysýshylardyń jasy 9 - dan 13 jasqa deıingi aralyqty qamtıdy.
Merekelik baǵdarlama aıasynda mektep oqýshylarynyń tehnıkalyq shyǵarmashylyq kórmesi, ertegi álemindegi keıipkerlerdiń qatysýymen shoý-qoıylymdar, jańajyldyq syılyqtar, tátti ústel uıymdastyryldy. Shara barysynda Qazaqstan Respýblıkasy Prezıdenti Nursultan Nazarbaevtyń vıdeoquttyqtaýy kórsetildi.
"Dalada qys. Biraq úı ishinde jylýlyq bar. Qalalar men aýyldar jańa jyldyq shyrshalarmen bezendirilgen. Olardyń túbinen balalar syılyq izdeıtin bolady. Osy kúnde ǵana emes, basqa kúnderi de senderdiń bir-birlerińe kómektesip, qoldaý kórsetkenderiń mańyzdy", dedi Prezıdent.
"Jańa jyl - ǵajaıyptar men sıqyrlar ýaqyty. Biz úlken bolsaq ta, ǵajaıypqa senemiz. Eńbek pen birlik, Otanǵa degen súıispenshilik kez kelgen armandaryńdy oryndaýǵa septigin tıgizedi. Sender osy merekege laıyqsyńdar", - dedi Nursultan Nazarbaev.
Raýan Qaıdarov, "Egemen Qazaqstan".
Sýretterdi túsirgen Erlan Omarov