Jańaqorǵan aýdany Sýnaqata aýylynyń turǵyny О́mirzaq Ermahanov motosıkldiń qozǵaltqyshyn traktorǵa ornatyp, qoldan qurastyrǵan kóligin turmysyna paıdalanyp otyr, dep habarlady «QazAqparat» aýdandyq ákimdikke silteme jasap.
О́mirzaq aǵanyń qurastyrǵan traktory aýyl jurtshylyǵyna jaqsy tanymal. Qarapaıym ǵana aýyl turǵyny qolda bar temir-tersekten traktor qurastyryp, óziniń ıgiligine paıdalanýda. Kólik shaǵyn ári yńǵaıly. Tirkemesi taǵy bar. Maldyń jem-shóbin, úıdiń otyn-sýyn tasýǵa taptyrmas dúnıe. Búgingi kúni eń arzan traktordyń baǵasy kem degende 4-5 mln. teńgeden asyp jyǵylatyny belgili.
«Jasyratyn túgi joq. Negizgi bólshekterin alýǵa 60 myń teńge jumsadym. Qalǵan temir-terseginiń barlyǵy ózimnen shyqty. Dánekerleýshi maman bolǵandyqtan traktordyń qyr-syryna qanyqpyn», – deıdi ónertapqysh.
Traktordyń motory motosıkldiki bolǵandyqtan janarmaıdy az qoldanady. Bastysy, úıdiń sharýasyna jarap tur.
О́mirzaq Ermahanov zamanǵa laıyqtalǵan bul kólikti keleshekte jetildirip, basqa da ıgilikke paıdalaný oıda baryn jasyrmaıdy.